Boıy ketken úırenip shýǵa, myna,
Kóńil shirkin, joq-bardy qýmady ma?
О́zimmenen qalǵanda ózim keıde,
Qýanamyn aýylda týǵanyma.
Amanhan ÁLIMULY
Boıy ketken úırenip shýǵa, myna,
Kóńil shirkin, joq-bardy qýmady ma?
О́zimmenen qalǵanda ózim keıde,
Qýanamyn aýylda týǵanyma.
Salyp muzdaı alańsyz qar moıynǵa,
Erik berip qyz-jigit jarda oıynǵa,–
Júrgen kezde, jatatyn Syr sýytyp,
Tabıǵattyń salqyny bar boıynda.
Aı sáýlesi ilinip torańǵylǵa,
O,týǵan jer aq qarǵa orandyń ba?
Sırek keler ashýy keń adamdaı,
Anda-sanda soǵady boran munda.
Taýysardaı adamnyń sý shydamyn,
Kezip Syrdyń jaǵasyn ý-shý aǵyn,–
Qys kórsetip keı-keıde qytymyrlyq,
Qutyrtyp bir qoıatyn qý shunaǵyn.
Kidi minez kórsetip baqtan bezin,
Shytynap bir turǵanda aqpan kóziń,–
Aspaı-saspaı aýyldyq minezbenen,
Kún raıyn esimde baqqan kezim.
О́tkenińnen qol úzip ketpeı bekem,
Saǵynysh ta ańsaýdan kókteıdi eken.
Alańdaı beremin men aýyl jaqqa,
Turǵandaı áldene bir jetpeı , kókem.
* * *
Bolatyndaı ekpini seldiń dese,
Jatyp aldy ótinde jeldiń kóshe.
Túsimde, Apa, óńimde sııaqtanyp,
Nege úıge ún-túnsiz keldiń keshe.
Keler deýge mynanyń saıaǵyn-aı,
Kúzgi túnde qanatyn jaıady Aı.
Jyly peshke arqańdy berip qoıyp,
Júndi tútip otyrsyń baıaǵydaı.
O, ne degen taýsylmas tózim ediń,
Bolmas endi tappasam ózim emin.
Jete almaıtyn túbine sózdi qýyp,
Ketkeniń ne deısiń sen, sezinemin.
Sóz be, bilseń, sóz degen dertim meniń,
Sózben birge shyǵady erkin demim.
Iship ketsem ólerdeı, tal boıyma,
Bitti ondaı, o, Apa, bertinde min.
Tabıǵat ta shyqqan bir yzdy ataǵy,
Sýyq tıgen janyma kúz batady.
Sóz sińirgen boıyna júregimdi,
El men jerdiń qaıǵysy syzdatady.
Nege taǵdyr bastaǵan órtiń demen,
Jap-jaqsy aqyn atandym bertinde men.
Muńdy kózben bermeshi qaraı maǵan,
Saǵan áli syrym kóp shertilmegen.
Ishtim, jedim, ash boldym, toryqtym da,
Álde sol bir jaılardan qoryqtyń ba?
Seniń úıge túsimde kelgenińdi,
Kelmeıdi eshbir adamǵa jorytqym da.
Bolatyndaı ekpini seldiń dese,
Jatyp aldy ótinde jeldiń kóshe.
Túsimde, Apa, óńimde sııaqtanyp,
Nege úıge ún-túnsiz keldiń keshe.
* * *
Qylaýlatyp tústi de kúz aq betti,
Túsiretin sııaqty tuzaqqa epti, –
Sendik sháıi kóılektiń sýsylyndaı,
Mendik jastyq sýsyldap uzap ketti.
Kúzdiń qystaı kelgeni qylaýlatyp,
Meniń muńdy janyma tur-aý batyp.
Saǵynyshty ildirip qanatyna,
Tyrnalar da qaıtýda tyraýlatyp.
Qys ta túser aqbasty zári myqty,
Mysaly, eske salyp kárilikti.
Alǵa tarta bermegin jasty, janym,
Alpys shalǵan kóńildiń bári kúpti.
О́tti-ketti uqsastaý qus baǵymen,
Qalatuǵyn qarbalas tusta kileń, –
Tórt mezgili sııaqty tabıǵattyń,
Adamnyń da taǵdyry qysqa bilem.
Bult úıirilip kárilik aspanyńda,
Muńǵa túpsiz berile bastadyń ba?
Sháıi kóılek sýsyly sııaqtanyp,
Sýsyp ótti jastyǵym qas-qaǵymda.
* * *
Qanyqqandaı qanshama jaıǵa bastan,
Aıdaý qara jol jatyr Aıǵa qashqan.
Ilbip basyp kelemin, myń san kózdi,
Aspan tańba sııaqty taıǵa basqan.
Sýǵa erte túsirgen qaıyqtaı tún,
Maqpal qara jelkenin jaıypty, aıqyn.
Júregimniń basynda zapyrandaı,
Qalǵan muń bar máńgilik aıyqpaıtyn.
Úzilmedi bozbala beli qaıda,
Tımegesin taǵdyrdyń jeli maıda, –
Jeltoqsan men Jańaózen arasynda,
Keletuǵyn ánder kóp «Elim-aıǵa».
Sýsı-sýsı kelgendeı qum qashqanǵa,
Dúnıeni dúbirli muń basqan ba?
«Qustar áni» sııaqty jaılap jandy,
Tyrna daýsyn sozady túngi aspanda.
Sýyq shaldy tabıǵat keziń kópte,
Taýsylmaıdy bilemin tózim tekke.
Qozǵannan ba, boıdaǵy qatqan qany,
Qol qustary qadaıdy kózin kókke.
– O, Jaratqan, – degendeı – baıqa mańdy,
Ilip kókke qoıypsyń Aı taǵańdy.
Aıdaý jolmen aspanǵa shyǵyp ketsem,
Oralmaıtyn shyǵarmyn qaıta máńgi.
Ajal
Qaramastan qaıǵyǵa urǵan kózge,
Úlken joldyń ústinde turǵan kezde, –
Betten aldy ketirip berekeni,
Esip eser sýyq jel qyrdan kezbe.
Anam ótti ómirden, aǵam da ótti,
Ajal kelip qalǵandaı maǵan da epti.
Alla jazdy ǵaıypsyń to