Elbasymyz N.Nazarbaevtyń tapsyrmasymen Astana qalasynyń aglomerasııalyq aımaǵyn damytý aıryqsha mańyzǵa ıe bolýda.
Qazirgi tańda seriktes 20 eldi mekenniń árqaısysynda turǵyndar sany 2,5-3 esege deıin ósip otyr. Osyǵan baılanysty, Memleket basshysynyń qoldaýymen 2011-2013 jyldarǵa arnalǵan arnaıy Baǵdarlama júzege asyrylýda. Iаǵnı, jańadan 6 orta mektep, 7 balalar baqshasy, 17 densaýlyq saqtaý mekemesi, basqa da áleýmettik-ónerkásiptik nysandardy qatarǵa qosý josparlansa, onyń birqatary jurtshylyq ıgiligine berildi. Sonyń ishinde, bıylǵy oqý jylyn zamanalyq úlgidegi jańa mektepte bastaǵaly otyrǵan Qosshy aýylynyń qýanyshy erekshe.
Elbasymyz N.Nazarbaevtyń tapsyrmasymen Astana qalasynyń aglomerasııalyq aımaǵyn damytý aıryqsha mańyzǵa ıe bolýda.
Qazirgi tańda seriktes 20 eldi mekenniń árqaısysynda turǵyndar sany 2,5-3 esege deıin ósip otyr. Osyǵan baılanysty, Memleket basshysynyń qoldaýymen 2011-2013 jyldarǵa arnalǵan arnaıy Baǵdarlama júzege asyrylýda. Iаǵnı, jańadan 6 orta mektep, 7 balalar baqshasy, 17 densaýlyq saqtaý mekemesi, basqa da áleýmettik-ónerkásiptik nysandardy qatarǵa qosý josparlansa, onyń birqatary jurtshylyq ıgiligine berildi. Sonyń ishinde, bıylǵy oqý jylyn zamanalyq úlgidegi jańa mektepte bastaǵaly otyrǵan Qosshy aýylynyń qýanyshy erekshe.
«Jasyl ólke» shaǵyn aýdanynda ornalasqan 4 qabatty bilim uıasy 1200 orynǵa laıyqtalǵan. Munda pánder boıynsha jáne balalardyń ıntellektýaldyq qyzyǵýshylyǵyn oıatýǵa baǵyttalǵan qajetti jaǵdaılardyń barlyǵy qamtamasyz etildi. Mektebimizde 380 oryndyq májilis zaly, 400 oryndyq ashana, 2 sport zaly men gımnastıka zaly bar. Sondaı-aq, 32 arnaıy dárishana, 2 mýltımedııalyq kabınet, 2 kompıýter synyby, 2 ınteraktıvti taqta jasaqtaldy.
Mekteptiń pedagogıkalyq ujymyndaǵy 90 muǵalimniń barlyǵy ýaqyt talabyna saı qatań irikteý tártibimen jasaqtaldy. Olardyń qatarynda eki pedagogıka ǵylymdarynyń kandıdaty men Qazaqstan Respýblıkasy bilim berý isiniń bes úzdigi bar. Sondaı-aq, bilim berý isimen joǵary sanatty – 35, birinshi sanattaǵy 40 ustaz aınalysady. Buǵan qosymsha 10 muǵalimimiz Kembrıdj oqytý baǵdarlamasy boıynsha 3 aılyq kýrsty aıaqtap keldi. Munyń ózi ujymymyzdyń bilim berý isine joǵary jaýapkershilikpen qaraıtynyn bildiredi.
Aqyljan AÝǴANBAEV,
№2 orta mektebiniń dırektory.
Aqmola oblysy,
Selınograd aýdany.