Halyqaralyq Olımpıada, Paralımpıada jáne Tokıo-2020 oıyndaryn uıymdastyrý komıteti, Tokıo qalasy men Japonııa bıligi Olımpııa oıyndary ótetin jańa merzimdi bekitti dep habarlady UOK baspasóz qyzmeti.
Laýazymdy tulǵalar búgin telefon arqyly konferensııa ótkizip, 2021 jylǵa aýystyrylǵan jazǵy Olımpııa oıyndaryn 23 shildesi men 8 tamyzy aralyǵynda uıymdastyrýǵa kelisken. Al Paralımpıada oıyndary 24 tamyz ben 5 qyrkúıek aralyǵynda ótedi. Onlaın jıynǵa HOK prezıdenti Tomas Bah, Tokıo-2020 prezıdenti Morı Ioshıro, Tokıo gýbernatory Koıke Iýrıko qatysqan.
Jıyn barysynda jazǵy sport túrlerindegi barlyq halyqaralyq federasııalar men ulttyq olımpıadalyq komıtetter qabyldanǵan sheshimdi qoldady. Aıta ketelik, 24 naýryz kúni álemde COVID-19 indetiniń beleń alýyna baılanysty Japonııa bıligi men HOK birlese otyryp, Olımpıada oıyndaryn kelesi jylǵa qaldyrý týraly sheshim qabyldady.