Elimizdiń astyqqa degen ishki qajettilikterin qamtamasyz etý maqsatynda (onyń ishinde azyq-túlik kólemin saqtaý jáne tamaq ónerkásibin qaıta óńdeý úshin) Aýyl sharýashylyǵy mınıstrligi tótenshe jaǵdaı kezinde bıdaı eksportyna shekteý engizedi. Bul týraly atalǵan mınıstrliktiń baspasóz qyzmeti habarlady.
Aýyl sharýashylyǵy mınıstrligi undy eksporttaý boıynsha tyıymdy alyp tastap, onyń ornyna undy respýblıkadan tys jerge shyǵarýǵa shekteý qoıady.
Osyǵan oraı, endi bıdaı men un eksporty Aýyl sharýashylyǵy mınıstrligi aı saıynǵy belgilegen kvota sheńberinde júzege asyrylady.
Kvotalardy bólý men olardyń kólemi aldaǵy ýaqytta Aýyl sharýashylyǵy mınıstrliginiń resmı ınternet resýrsynda ornalastyrylady.
Sondaı-aq, AShM baspasóz qyzmeti respýblıkada qansha astyq kólemi bar ekenin jarııalady.
- Ulttyq ekonomıka mınıstrligi Statıstıka komıtetiniń málimetteri boıynsha, 2020 jyldyń 1 naýryzyndaǵy aqparatqa sáıkes Qazaqstanda 9,2 mln tonna, onyń ishinde azyq-túlik – 6,4 mln tonna, tuqymdyq – 1,5 mln tonna, jemdik – 1,3 mln tonna astyq bar, -delingen habarlamada.