Oblys prokýratýrasynda tótenshe jaǵdaı talaptarynyń oryndalýyn qamtamasyz etý úshin mobıldi top quryldy. Bul toptyń jumysynyń nátıjesinde rejımdi buzǵany úshin 38 tulǵa jaýaptylyqqa tartyldy.
– Sonyń ishinde 5 kásipker ákimshilik qamaýǵa alyndy. Olar – «Hanshaıym», «Nárli» meıramhanalarynyń, «Amanjan» kafesiniń, «Fınbet» býkmekerlik keńsesiniń ıeleri men «Iаmato» sýshı-barynyń ákimshisi, - dep habarlady oblystyq prokýratýranyń baspasóz qyzmeti.
Sonymen birge, óńirde áleýmettik jelilerde kórineý jalǵan aqparattar (turǵyndardyń koronavırýspen aýyratyny týraly) taratý (Qylmystyq Kodekstiń 274-baby), jeke jáne otbasylyq qupııany quraıtyn málimetterdi (koronavırýsqa ushyraǵan 3 tulǵanyń aty-jónderi) taratý (Qylmystyq Kodekstiń 147-baby) faktileri kezdesken. Osyǵan oraı, sotqa deıingi tergep-tekserý júrgizilip jatyr.
Jumasat ǴAZIZ