The Walt Disney Company basshylyǵy pandemııa kezeńindegi qıyn-qystaý ýaqyttarda kompanııaǵa qoldaý bildirý úshin aılyq jalaqylarynan bas tartty. Bul týraly «The Hollywood Reporter» saıty habarlady.
Bas dırektor Bob Chapektiń qolyna aılyǵynyń jartysy tıse, al, atqarýshy prodıýser Bob Aıger jalaqysyn múlde almaıdy. Disney kompanııasynyń basqa basshylary ózderiniń aılyq jalaqylaryn 20-30 paıyzǵa deıin qysqartqan. Basshylar daǵdarys kezeńinen ótkenshe osylaı qaldyrýdy jón kórip otyr.
Jalaqysynan bútindeı bas tartyp otyrǵan Aıger álemdegi medıaındýstrııa men saýyq salasyndaǵy eń joǵary tólenetin basshylardyń qatarynda. Mysaly, ol ótken jyly 47,5 mıllıon dollar kóleminde tabys tapsa, 2018 jylǵy tabysy 65,5 mıllıon dollardan asqan. Al, Bob Chapektiń bas dırektor retindegi bazalyq jalaqysy – 2,5 mıllıon dollar. Sondaı-aq oǵan qosymsha bir jyldyq syıaqysy 20 mıllıon dollardy quraıdy eken.
«Eger biz kúsh biriktiretin bolsaq bul qıyndyqty jeńemiz ári osy kezeńnen burynǵydan da myqty bop shyǵamyz. Biraq biz qarjylyq qıyndyqtardyń aldyn alýymyz úshin sharalar qarastyrýymyz kerek»-delingen Chapektiń kompanııa qyzmetkerlerine jazǵan hatynda.
Aıta ketý kerek, aılyq jalaqysynan túgeldeı, jartylaı nemese onyń shırek bóliginen bas tartyp jatqandar Disney kompanııasyndaǵy túrli deńgeıdegi basshylar. Oǵan qosa Fox kompanııasynyń basshylary da jalaqylaryn pandemııa kezeńinde qurbandyqqa atady. О́ıtkeni bul eki kompanııa byltyr birikken bolatyn.