Aqparat jáne qoǵamdyq damý mınıstri Dáýren Abaev dinı birlestikterge merekelik dinı rásimderdi onlaın rejımde ótkizýdi usyndy.
«Sáýir aıynda bizder úshin mańyzdy birqatar dinı meıramdar kele jatyr. Olar – Oraza, provaslavtyq jáne katolıktik Pasha, ıahýdılik Pesah jáne taǵy da basqalar. Sózsiz, olardyń barlyǵy kóptegen azamattar úshin úlken mańyzy bar. Biz din ustanýshy azamattarymyzdyń dinı senimine zor qurmetpen qaraımyz. Alaıda, koronavırýs indeti barlyq adamnyń densaýlyǵyna, ómirine qaýip tóndirýde. Sol úshin kóptegen elder epıdemııaǵa qarsy buryn sońdy bolmaǵan shekteýler engizýde. Vırýs taralmaýy úshin adamdar jınalatyn barlyq sharalarǵa, onyń ishinde dinı sharalarǵa da ýaqytsha tyıym salynady. Sebebi, bul dinı sharalar kezinde adamdar ǵıbadat oryndaryna baryp, týystary men jaqyndarymen jınalady. Birge mazar basynda barady, odan da basqa ártúrli mádenı kópshilik is-sharalar bolady. Sol úshin qazirgideı kúrdeli ýaqytta eń basty másele – adamnyń densaýlyǵy men amandyǵy»,- dedi Dáýren Abaev.
Mınıstr, merekelik is-sharalardy onlaın ótkizýdi usyndy.
«Eshqandaı din adam ómiri men densaýlyǵyna qaýip tóndirgendi maquldamaıdy.Osy rette barlyq dinı jáne etnomádenı uıymdardyń basshylary men azamattardy túsinistik tanytýǵa shaqyramyz. Dinı meıram kezinde karantın rejımin saqtaýdy suraımyz. Dinı birlestikter merekelik dinı rásimderdi onlaın rejımde ótkizýdi usynamyz»,- dedi Dáýren Abaev.