Nur-Sultan qalasynda taǵy bir adam emdelip shyqty. Bul týraly qalalyq Qoǵamdyq densaýlyq saqtaý basqarmasy habarlady.
Basqarma taratqan málimetterge qaraǵanda, 4 sáýirdegi jaǵdaı boıynsha koronavırýs ınfeksııasyn juqtyrýdyń 202 jaǵdaıy tirkeldi. Onyń ishinde:
- 186 adam stasıonarda (Aqmola oblysy - 3);
- 17 adam saýyǵyp, aýrýhanadan shyǵaryldy;
- bir ólim jaǵdaıy tirkeldi.
Qazirgi ýaqytta KVI bar 5 naýqastyń jaǵdaıy - turaqty aýyr, 3 naýqas - ókpeni jasandy jeldetý apparatyna qosylǵan, ıaǵnı KVI dıagnostıkasy men emdeýdiń klınıkalyq hattamasyna sáıkes emdeýde.
Qalǵan emdelýshilerdiń jaǵdaıy - qanaǵattanarlyq.
Eske sala keteıik, elimiz boıynsha barlyǵy 36 adam bul indetten emdeldi. Nur-Sultan qalasy boıynsha 17, Almaty qalasynda 19 adam.