Qytaı eliniń Hýbeı provansııasy koronavırýspen kúresip júrip, ólim qushqan 14 dárigerge qaza tapqannan keıin «Batyr» ataǵyn berý jaıly sheshim qabyldady.
Bulardyń arasynda jańa indet koronavırýstyń qateri jaıly alǵash ret dabyl qaǵyp, kúlli jurtty saqtanýǵa shaqyrǵan, osy qylyǵy úshin jergilikti ákimshilik tarapynan qamaýǵa alynyp, aqyry ózi de dert juqtyqtyryp qaza tapqan dáriger Lı Venlıan de bar.
Qazirgi tańda AQSh-tyń Qytaı basshylaryna artyp otyrǵan kinániń biri – osy Lı dárigerdi tyńdamaǵany. Bul oqıǵadan sabaq alǵan AQSh zańgerleri dáriger Lı atynda halyqaralyq zańnama jobasyn daıyndap jýyqta Kongresske usynǵan bolatyn. Bul qujatta tónip kelgen qaýipti eskermeı shara qoldanýdy keshiktirgen laýazym ıelerine qatań jaza qoldaný qarastyrylǵan. Biraq bul jańa zań jobasy Qytaı basshylaryna unap turǵan joq.