Qytaı eliniń Ýhan qalalyq vırýsologııa ortalyǵy men Hýajýn aýylsharýashylyq ýnıversıtetiniń ǵalymdary birlesip júrgizgen zertteýdiń nátıjesinde Ýhan qalasynan koronavırýs juqtyrǵan mysyq anyqtaldy dep habarlaıdy mońǵolııalyq shuud.mn saıty qytaılyq áriptesteri taratqan aqparǵa súıenip.
Qaýipti indettiń janýarlarǵa da juǵý yqtımaldaǵy jaıly buǵan deıin qytaılyq dárigerler aıtqan bolatyn. Bul retki zertteý nysanasy 102 janýarǵa júrgizilgen eken. Osylardyń ishinen mysyq baıǵustan indettiń izi tabylǵan.
Osyǵan baılanysty dárigerler asyrandy úı janýarlary men úıdiń ishinde adammen birge ómir súrip jatqan tirshilik ıeleri de vırýs taratýshy bolýy múmkin ekenin eskertip, saq bolýǵa shaqyrýda.