Eńbek jáne halyqty áleýmettik qorǵaý mınıstri Birjan Nurymbetov tótenshe jaǵdaı kezinde tabysynan aıyrylýyna baılanysty Memlekettik áleýmettik saqtandyrý qorynan áleýmettik tólem alýǵa quqyǵy bar azamattardyń sanattaryn aıtty.
«Tótenshe jaǵdaıdyń saldarynan tabysynan aıyrylǵan azamattarǵa qarastyrylǵan. Birinshisi, jaldamaly qyzmetkerler jumys istep júrgen mekemede, kompanııada. Ol orta shaǵyn bıznestiń jumyskerleri jáne de karantın bolǵan jerde iri kásipkerlikpen aınalysyp júrgen azamattardy májbúrli túrde aqysyn tólemeı, demalysqa jibergen jaǵdaıda. Iаǵnı, qashyqtan jumys istep, jalaqy alyp júrgen kisilerge bul jatpaıdy. Al jumystan shyǵyp, qysqaryp qalǵan azamattarǵa osy saqtandyrý qorynan 6 aıǵa deıin onyń jumystan shyqqan sebebine qaramastan tólem qarastyrylǵan. Eki kún buryn buıryqqa engizilgen ózgeriske baılanysty jaldamaly qyzmetkerlerdiń qataryna kommersııalyq emes uıymdardyń da jumysshylary kiredi. Eger de, olardy aqysyz demalysqa jibergen bolsa. Al memlekettik organdar, kvazımemlekettik organdarǵa bul jatpaıdy. Ekinshisi jeke tulǵalar. О́z betinshe jumyspen aınalysyp júren azamattar bul jerde resmı jumyspen aınalysyp júrgenderde bar. Resmı jumys istep júrgender jeke kásipker, advokat, notarıýs, sot oryndaýshy medıatrlar. О́ziniń azamattyq quqyqtyq sıpatqa jumys istep júrgender olar tótenshe jaǵdaıǵa deıin tıisti áleýmettik jarnalar aýdarǵan bolsa, olarǵa ótinish berýge bolady» dedi B. Nurymbetov.