Eńbek jáne halyqty áleýmettik qorǵaý mınıstri 42 500 teńge alý úshin ótinim beretin Telegram-bottyń resmı iske qosylǵanyn habarlady.
«42 500 teńge alý úshin ótinim beretin Telegram-bot iske qosyldy. О́kinishke qaraı, bot kesh iske qosylyp otyr. О́ıtkeni buǵan deıin bireýler jalǵan Telegram-bottar shyǵaryp halyqty jańylystyrdy. Sondaı-aq bizdiń portaldar da jumys istemeı qalǵan bolatyn. IT mamandar men bizdiń mınıstrlik jáne Sıfrlyq damý mınıstrligi tarapynan mamandar kúni-túni jumys istedi. Osyndaı tehnıkalyq aqaýlar úshin sizderden keshirim suraımyz. Qazir Telegram-bot pen portaldar turaqty jumys istep jatyr», dedi Birjan Nurymbetov.
Eske sala keteıik, buǵan deıin 42500 teńge alý úshin ótinim berýge arnalǵan bottyń iske qosylǵanyn jarııalaǵan bolatynbyz.