Tótenshe jaǵdaı kezinde elordany azyq-túlik jáne azyq-túlik emes taýarlarmen úzdiksiz qamtamasyz etý úshin «Jasyl dáliz» quryldy. Bul týraly Nur-Sultan qalasy ákiminiń orynbasary Málıka Bekturova Telegram kanalynda habarlady.
Endi Nur-Sultan qalasyna kirip-shyǵý úshin júk tasıtyn kólik júrgizýshileri baqylaý-ótkizý pýnktinen kedergisiz óte alady. Ol úshin post.iqala.kz saıtynda ótinish qaldyrýy kerek. Bul ótinishi birden «Sergek: baqylaý-ótkizý pýnkti» qosymshasyna kelip túsedi.
«Júk mashınasynyń júrgizýshisi saıtqa kirip, kirý-shyǵý derekterin, kólik quralynyń nómirin, JSN, tasymaldanatyn taýardyń ataýyn, olardyń sany men marshrýt baǵyty kórsete otyryp, ótinish toltyrýy kerek. О́tinimdi berý úshin ESQ jáne basqa da qosymsha aqparattar kerek emes» deıdi ákim orynbasary.
Elordaǵa qandaı taýarlar jáne qansha kólemde ákelinetini týraly málimetter birden qalanyń Bas shtabynyń derekqoryna kelip túsedi. Nur-Sultan qalasyna ǵana qatysty bul tásil bıýrokratııalyq kedergilerdi azaıtyp, ýaqytty únemdeıtin kórinedi.
Qymbat TOQTAMURAT