Bul týraly SIM baspasóz qyzmeti habarlady.
Birikken Arab Ámirlikteri bıliginiń sheshimi boıynsha Qazaqstanǵa gýmanıtarlyq kómek partııasy kelip jetti. Bizdiń elderimiz arasyndaǵy dástúrli jyly jáne dostyq qarym-qatynastardyń, sondaı-aq koronavırýspen kúres jónindegi birlesken kúsh-jigerdiń arqasynda BAÁ-den bortynda jalpy salmaǵy 13 tonnany quraıtyn tolyq medısınalyq qorǵanys quraldary, jartylaı medısınalyq qorǵanys quraldary, bir rettik qolǵaptar, medısınalyq maskalar, bahılalar, antıseptıkter jáne t.b. medısınalyq quraldar bar ushaq kelip qondy. Belgili bolatyndaı, ózara qol ushyn berý aıasynda Qazaqstanǵa buǵan deıin de AQSh, Qytaı, Ońtústik Koreıa, Japonııa, Túrkııa jáne Izraıl sekildi elderden túrli kómek jiberilgen bolatyn. Gýmanıtarlyq kómek – bul seriktesterge ózara qoldaý kórsetýdiń jalpy qabyldanǵan halyqaralyq tájirıbesi. Tez taraıtyn epıdemıologııalyq daǵdarys jaǵdaıynda álemniń barlyq memleketteri áleýmettik-ekonomıkalyq áleýetine jáne geografııalyq alshaqtyǵyna qaramastan, túrli kómek alý úshin ózara júginedi.