Úndistan úkimet basshysy Narendra Modıdyń úkimimen el aýmaǵyna jolaýshy tasymaldaıtyn barlyq poıyz jumysyn toqtatty. Oǵan sebep, baıaǵy koronavırýs. Búgingi tańda atalmysh memlekette 4400-den astam adam indet juqtyrsa, olardyń 120-sy baqılyq bolǵan. Halyq sany 1.3 mıllıardqa jetken úndilikter úshin oqys kelgen dert ońǵaıǵa soqpaıtyn túri bar.
Eger vırýs juqtyrý qarqyny osy ekpinmen kete berse, aýrýlardy oqshaýlap emdeıtin oryn jetispeýi anyq. Sol sebepti, úkimet barlyq jolaýshy poıyzdaryn qańtaryp qoıyp, ondaǵy vogandardy 20 myń adamǵa yńǵaılastyrǵan ýaqytsha aýrýhana jasaýǵa kóshti.
Dál qazir eldiń túkpir-túkpinde osyndaı 125 vogan-aýrýhana daıyn tursa, aldaǵy eki apta ishinde 5000 tósektik taǵy birneshe emdeý orny jasalynbaq. Onda medbıkeler bólmesi, dárigerdiń jeke kabıneti, sondaı-aq emdeý quraldaryn saqtaıtyn oryn bolady.
Negizinen alǵanda Úndistannyń temir jol júıesi kólemi jaǵynan álemde 4-shi orynda. 7349 beket arasyna qatynaıtyn shoıyn joldyń uzyndyǵy jer sharyn eki oraıtyndaı dárejede.
–Mundaı aýrýhanalardyń taǵy bir tıimdi tusy - deıdi temir jol júıesiniń kópshilikpen baılanys departamentiniń basshysy Rajesh Dýtt Bajpeı myrza, indet oshaǵy kóbeıgen jerge aýrýhana ózi kóship bara alady.