AQSh-tyń Ádilet mınıstrligi fýtboldan 2018 jáne 2022 jylǵy álem chempıonatynyń quqyǵyn ıelený úshin Reseı men Katar FIFA-nyń atqarý komıtetiniń múshelerine para berdi dep málimdedi.
Reseılik sports.ru saıty jarııalaǵan málimetke sensek, FIFA-nyń burynǵy vıse-prezıdenti, Pýerto-Rıkonyń azamaty Djek Ýorner Reseıge daýys bergeni úshin 5 mıllıon AQSh dollary kóleminde para alǵan. Sol sekildi Gvatemalanyń ókiline de dál sondaı usynys túsken.
Brazılııa fýtbol qaýymdastyǵynyń eks-prezıdenti Rıkardo Teısheıra, Ońtústik Amerıka fýtbol konfederasııasynyń basshysy, paragvaılyq Nıkolas Leos jáne taǵy bir esimi áli anyqtalmaǵan adam 2022 jylǵy dúnıejúzilik dop dodasyn uıymdastyrý quqyǵyn jeńip alýǵa yqpal etkeni úshin mol kólemde syıaqy alǵan kórinedi.