«Qazgıdromet» RMK sınoptıkteri 7 sáýirge arnalǵan aýa raıy boljamyn usynady.
Kún sýytyp, búgin túnde aýa temperatýrasy 0 men - 8 gradýs aralyǵynda bolady. Jaýynnyń sońy qarǵa ulasýy múmkin. Oblystyń Aıyrtaý, Ǵ. Músirepov, Tımırıazev, Shal aqyn, Jambyl, Qyzyljar aýdandarynda jaýyn-shashyn qalyptan artyq jaýyp, jeldiń ekpini sekýndyna 30 metrge deıin jetpek.
Al 10 sáýirden bastap kún jylyna bastaıdy, bul kúni aýa temperatýrasy +12 gradýsty kórsetedi.
Qyzylorda oblysynyń keı jerlerinde 8 sáýirde tańerteń jáne kúndiz -9 sáýirde táýlik ishinde jaýyn-shashyn (jańbyr, qar), tuman, naızaǵaı, shańdy daýyl kútiledi. Jel soltústik-batystan, batystan soǵady, kúshi keı jerlerde 15-20 m/s artady. 9-10 sáýirde túnde aýa temperatýrasy 0-5 gradýsqa deıin kúrt tómendeıdi, ońtústikte termometr +3 gradýsty kórsetedi. 8-9 sáýirde Jambyl oblysynyń taýly aımaqtarynda qatty jaýyn-shashyn (jańbyr, qar), tuman boljanady.
Soltústik-batystan soǵatyn jeldiń kúshi 15-20 m/s artady. 9-10 sáýirde túnde aýa temperatýrasy 0-5 gradýsqa tómendeıdi. 8-9 sáýirde túnde jáne tańerteń Túrkistan oblysynyń keı jerlerinde qatty jaýyn-shashyn (jańbyr, qar), tuman bolady.
Soltústik-batystan soǵatyn jeldiń kúshi 15-20 m/s, 8 naýryzda túnde ekpini 25 m/s artady. 9-10 sáýirde túnde aýa temperatýrasy 0-5 gradýsqa deıin tómendeıdi.
Shymkent qalasynda 8 sáýirde táýlik boıy, 9 sáýirde túnde jáne tańerteń qatty jaýyn-shashyn (jańbyr, qar) boljanady. Soltústik-batystan soǵatyn jeldiń kúshi 15-20 m/s jetedi. 9-10 sáýirde túnde aýa temperatýrasy 0-2 gradýs aıazǵa deıin kúrt tómendeıdi.
8 sáýirde Aqmola oblysynyń keı jerlerinde tuman, jaıaý burqasyn, kóktaıǵaq kútiledi. Ońtústik-batystan jel soǵady, ekpini 23-28 m/s kúsheıedi.