Álemdegi eń úlken baılanys torabynyń biri tvıtterdi oılap tapqan myqty hám onyń ıesi Jek Dorsı dúnıe júzin órmekshiniń toryndaı shyrmaǵan koronavırýspen kúresýge bir mıllıard dollar berip, demeýshilik tanytty. Bul soma onyń bar baılyǵynyń 28 paıyzy eken.
43 jastaǵy mıllıarder indetke jumsaǵan bul qarajatyn “Square” kompanııasyna qosqan úlesin satý arqyly ornyn toltyrmaq kórinedi. Onymen qoımaı J.Dorsı myrza aldaǵy kúnderi mundaı jomarttyqty taǵy da tanytam deıdi. Iаǵnı, ol qarjyny COVID-19 beti qaıtqan soń osy dertten zardap shekken áıel adamdardyń densaýlyǵyn túzeýge baǵyttamaq.
Qazirgi tańda tvıt qojaıyny sııaqty tehnologııa salasynyń baılary COVID-19 kúreske kómek kórsete bastady. Atap aıtqanda, feısbúúk qojaıyny Mark Zýkerberg 30 mln dollar, Amazonynyń atqarýshy dırektory Jeff Bezos 100 mln dollar qarajatyn AQSh-tyń indetpen kúres qoryna aýdarsa, Apple kompanııasynyń atqarýshy dırektory Tım Kúk indettiń iri oshaǵyna aınalǵan Italııaǵa medısına qural-jabdyqtaryn alyp berýge kirisken.