Oblystyq Ishki saıasat basqarmasy janyndaǵy Azamattyq ortalyq alańynda qurylǵan eriktiler shtabynyń bir baǵyty – avtokólikpen azyq-túlik jáne dári-dármekter jetkizý. Qazir avtoeriktilerdiń 150 múshesi jalǵyzbasty qarııalarǵa, múmkindigi shekteýli jandar men kópbalaly otbasylarǵa azyq-túlik sebetin jetkizýmen aınalysýda.
«Osy kezge deıin avtoeriktiler 164 otbasyna qajetti azyq-túlikterdi jetkizip berdi. Endi biz azyq-túlik sebetin taǵy 100 muqtaj adamǵa jetkizemiz. Jergilikti kásipker áıelderdiń biri qajetti taýarlardyń jıyntyǵyn alyp bermek» dedi Azamattyq ortalyqtyń jetekshisi Áıgerim Dosqalıeva.
Onyń aıtýynsha, muqtaj jandardyń tizimi 109 senim telefonyna túsken, azamattardyń ózderi jazǵan ótinishterge, sondaı-aq, «Júrekten Júrekke» qaıyrymdylyq qorynyń bazasyndaǵy málimetterge baılanysty jasalǵan. Al azyq-túlikterdi satyp alýǵa jergilikti kásiporyndar men kásipkerler kómektesýde.
Jumasat ǴAZIZ
Atyraý oblysy