Ishki ister mınıstrliginiń bir qyzmetkeri koronavırýs ınfeksııasyn juqtyrǵan. Bul týraly Ishki ister mınıstriniń orynbasary Iýrıı Ilın málimdedi.
«Naýqastyń qazirgi jaǵdaıy turaqty. Onymen baılanysta bolǵan 530 adam anyqtaldy. Búgingi tańda olardyń 30-ǵa jýyǵy stasıonarlyq emge jatqyzylǵan, 80 adam úı karantıninde. Emdelip shyqqandary da bar. Olar qazir qyzmetin jalǵastyrýda», dedi Iýrıı Ilın.
Onyń aıtýynsha, IIM qyzmetkerleri koronavırýsty juqtyrý qaýpine baılanysty ústemeaqy alady. Ol úshin 6 mlrd teńgeden astam qarjy bólindi. Ústemeaqyny basshylar emes, blok-posttar men medısınalyq mekemelerdiń qaýipsizdigin qamtamasyz etken jeke quram alady. Qazir mundaı qyzmetkerlerdiń sany 52 myń.