«Egemen Qazaqstan» gazetinde Elbasy N.Nazarbaevtyń «Birlese bilgen el bárin jeńedi» atty maqalasy jarııalandy. Atalǵan maqalada jazylǵandaı, táýelsizdik jyldary, elimizdiń eń qıyn jáne synı kezeńderinde Elbasy óz oıyn únemi ashyq talqylap, halyqpen bólisip otyrdy. Qazirgi ýaqytta koronavırýs pandemııasy taralýy búkil adamzatqa qaýip tóndirip, álemniń kóptegen memleketin ábigerge salyp, ultymyzdyń densaýlyǵyna qaýip tóndirgen kezde Nursultan Nazarbaev qazaqstandyqtarǵa jaqsylyq pen aman-saýlyq tilep, barlyǵymyzdy tózimdilikke jáne sabyrlylyqqa shaqyrdy.
Elbasy Qazaqstan – Keńes Odaǵy ydyraǵan kezdegi 90-jyldardaǵy Qazaqstan emes, dep ádil aıtty. О́mir – aýqymdy kúsh-jiger men qomaqty qarjy jumsalǵan jáne eldi bolashaq kútpegen kúızelisterden qorǵaý úshin júrgizilgen reformalardyń durystyǵyn dáleldedi. Álemniń barlyq memleketteri arasynda Qazaqstan alǵashqylardyń biri bolyp pandemııamen kúreske qosyldy. Aldyn alý is-sharalary júıeli júrgizildi. Tıisti memlekettik organdar arnaıy daıarlyqtan ótti. Shetelderde pandemııanyń damýy men taralý barysy zertteldi. Nátıjesinde, biz óz múmkindikterimizben onyń jolyna tosqaýyl qoıa aldyq, koronavırýs jaǵdaıy táýlik boıy baqylaýǵa alyndy. Jaǵdaıdy turaqtandyrý úshin kóptegen jumys atqaryldy jáne bul ári qaraı jalǵasýda. Biz barlyq osy ıgi sharalarǵa búkilhalyqtyq jáne barlyq jerde qoldaý kórsetýimiz tıis.
Memleket basshysy Q.Toqaev, óziniń barlyq uıymdastyrýshylyq pen uqyptylyq jáne basqa jaqsy qasıetterin kórsete otyryp jarııalaǵan daǵdarysqa qarsy sharalaryn júzege asyrýǵa kirisý kerek ekendigin, kómekke muqtaj adamdarǵa erekshe qamqorlyq jasaý qajet ekenin aıtty. Basqasha aıtqanda, árbir qazaqstandyq óz ómirin áleýmettanýshylar atap ótetindeı, daǵdarysqa qarsy rejimdegi gabıtýsty túzetýi tıis. Kóp nárse qoǵamnyń daǵdarysqa qarsy biryńǵaı komanda bola alatynyna baılanysty.
Adamdarǵa keıde kúmán, renish, narazylyq sátterin bastan keshirý tán. Keıde biz óz kúshimizge senbeımiz, bastamalardy kúmánmen, senimsizdikpen baǵalaımyz, ózimizdiń tájirıbemizge senimsizdikpen qarap, bir bastaǵan jumysty tolyqqandy istemeýge, kóbinese ımıtasııalyq minez-qulyq úlgilerine beıimbiz.
Sonymen qatar áleýmettik derekterge sáıkes qoǵamnyń daǵdarystyq jaǵdaılarynda erekshe sıpat tanytatynyn kórsetedi – qıyndyqtardy shydamdylyqpen kótere otyryp, túrli, sonyń ishinde kúrdeli jaǵdaılardan shyǵý joldaryn izdeıdi. Bul sapa saıasatta turaqtylyǵymen, etnosaralyq jáne konfessııaaralyq kelisimmen árdaıym erekshelenetin Qazaqstanǵa tán. Bul – búgingi kúrdeli jaǵdaıda kórinis tabýy qajet bolatyn Qazaqstannyń negizgi artyqshylyqtary.
Qazaqstandyqtar arasyndaǵy áleýmettik optımızmniń domınanty – bul bizdiń elimizdiń odan ári damýy, daǵdarys ýaqytyn eńserýi úshin mańyzdy qundylyq. Biraq kez kelgen resýrs retinde ol tolyqtyrýdy talap etedi. Eń aýyr kezeńderde qadir-qasıetin joǵaltpaǵan, árdaıym birligimen, meıirimdiligimen, qýanyshymen, qaıyrymdylyǵymen erekshelenetin barsha halyqqa alǵys bildire otyryp, Qazaqstannyń Tuńǵysh Prezıdenti – Elbasy osyndaı qıyn ýaqytta qazaqstandyqtardy qoldaýda. Qıyndyqtarǵa alańdamaı, birlik pen kelisimdi saqtaımyz degen senim mol. Biz qıyndyqtardy mindetti túrde jeńemiz, óıtkeni «Biz birgemiz!».
Zarema ShÁÝKENOVA,
Prezıdent janyndaǵy Qazaqstan strategııalyq zertteýler ınstıtýtynyń dırektory