Elbasy Nursultan Nazarbaevtyń qazaqstandyqtarǵa úndeýine baılanysty «Jas Otan» Jastar qanatynyń Nur-Sultan qalalyq fılıaly ókilderi pikir bildirdi, dep habarlady Nur-Sultan qalasy ákimdiginiń baspasóz qyzmeti.
«Elimizdiń eń qýatty kúshi – jastar: birige otyryp, elge kómek kórsetýde aldyńǵy shepte. Elbasy Nursultan Ábishuly búgingi óz úndeýinde talaı qıyndyqtarda bir jeńnen qol, bir jaǵadan bas shyǵaryp ótkenimizdi aıtty. Dál sol sekildi bul qıyndyqtardy da birlese eńseremiz. Búginde El Prezıdenti Qasym-Jomart Kemeluly bastaǵan memlekettik qyzmetkerler óz mindetterin tııanaqty oryndap, Elbasy aıqyndaǵan strategııalyq baǵyttar nátıjesinde, pandemııany jeńýde naqty qadamdar jasaýda», - deıdi «Jas Otan» Jastar qanatynyń Nur-Sultan qalalyq fılıalynyń tóraǵasy Baqdaýlet Bolatuly.
Al, belsendi jas Kamıla Kýlbaeva jastardy úıde bolyp, saqtyq sharalaryn ustanyp, barlyq talaptardy oryndaýǵa shaqyrady.
«Medısına salasy jyl sanap jaqsarýda. Bizdiń aýdannyń ózinde bıyl 12 dárigerlik nysan paıdalanýǵa berildi. Halyqtyń qamyn oılaǵan bılik ókilderi nyq qadamdar jasap, qazaqstandyqtar úshin qolaıly jaǵdaı jasaýda. 9 sáýir kúni Qytaıdan dárigerler kelip, naýqas adardardy emdeý tájirıbesin bólisip, kómek qolyn sozady. Bul – qaýanyshty jaǵdaı. Kúrdeli kezeńde el arasyndaǵy, memleketter arasyndaǵy tatýlyq pen aýyzbirshiliktiń mańyzy zor. «Dosyń kim ekeni qıynshylyqta bilinedi» degen – osy. Aýyrmaıyq, saqtanaıyq. Saý bolaıyq», - deıdi «Jas Otan» Jastar qanatynyń keńes múshesi Kamıla О́rkenqyzy.