Shaıbaly hokkeıden Qazaqstan ulttyq quramasynyń shabýylshysy Matren Sen-Per Ulybrıtanııanyń EIHL Challenge Cup júldesin ıelendi.
36 jastaǵy Kanadanyń Ontarıo provınsııasynyń týmasy byltyrǵy maýsymdy Ulybrıtanııanyń «Sheffıld Stılers» klýbynda bastady. Bes oıynda ol bir gol soǵyp, bir márte nátıjeli pas berdi. Maýsym aıaqtalmaı jatyp, Slovkııaǵa sapar shekti. Ol jaqta da Sen-Per aıshyqty ónerimen kózge tústi. Sol aralyqta «Sheffıld Stılers» jarys jeńimpazy atandy. Al aıtýly komanda sapynda birneshe kezdesý ótkizgindikten qazaqstandyq shabýylshyǵa da joǵaryda atalǵan júlde buıyrdy.
2015-2018 jyldar aralyǵynda Matren Sen-Perdiń Nur-Sultannyń «Barysynyń» namysyn qorǵaǵanyn jankúıerler umyta qoıǵan joq. Úsh maýsymda ol 85 (27 gol+58 pas) upaı jıdy. Sonymen qosa, kanadalyq hokkeıshi Qazaqstan ulttyq qurama sapynda da nátıjeli oıynymen kórermenderdi qýantty.