Qazirgi tańda jalpy 73 758 adamnan vırýs anyqtalǵan. Sońǵy ýaqytta 980 adam kóz jumdy. Atalǵan vırýstyń kesirinen qaıty bolǵandardyń jalpy sany — 8 958 adam. Bul týraly Memlekettik komıssııanyń shuǵyl shtaby habarlady.
Al Italııada koronavırýs ınfeksııasyn juqtyrǵan taǵy 3 961 adam tirkeldi.
Bul elde vırýsty juqtyrǵandar sany — 147 577. COVID-19-dan taǵy 570 adam kóz jumdy. Barlyǵy 18 849 adam koronavırýs saldarynan qaıtys boldy. Sondaı-aq, 1 985 adam jazylyp shyqty, al jalpy saýyǵyp shyqqandar sany — 30 455.
Kórshimiz Qyrǵyzstanda COVID-19 koronavırýs ınfeksııasyn juqtyrǵan taǵy 41 jańa jaǵdaı tirkeldi, olardyń 12-si – medısına qyzmetkerleri. Bul týraly sol eldiń Densaýlyq saqtaý mınıstriniń orynbasary Mademın Karataev málim etti.
Onyń aıtýynsha, Bishkek qalasynan 8 dáriger, Naryn oblysynan 1, Osh oblysynan 3 dáriger vırýs juqtyrǵan. Elde COVID-19 vırýsyn juqtyrǵan dárigerlerdiń jalpy sany 51 adamǵa jetti. Qyrǵyzstanda búgin tańerteńgi málimet boıynsha COVID-19 koronavırýs ınfeksııasyn juqtyrǵan 339 jaǵdaı tirkelgen. Bes adam vırýstan kóz jumǵan.