COVID-19 vırýsyna baılanysty karantın rejımi negizgi sút ónimderiniń baǵasyna áli áser etken joq. Qazaqstan Sút odaǵynyń atqarýshy dırektory Vladımır Kojevnıkov búgin jýrnalısterdiń qatysýymen ótken vebınar jıynda sút salasyndaǵy qazirgi jaǵdaıdy turaqty dep atady.
«Tótenshe eshteńe joq. Bizdiń salamyz konservatıvti. Koronavırýsqa qaramastan, sıyrlar saýylyp jatyr. Sondyqtan sút ónimderiniń satý baǵalaryn eshkim ózgertken joq. Olar sol kúıinde qalady», dep atap ótti Vladımır Kojevnıkov.
Sonymen birge Vladımır Kojevnıkov koronavırýstyń taralýyna baılanysty kóptegen elderde baıqalǵan tótenshe jaǵdaı Qazaqstanda sút ónimderin óndirýge keri áserin tıgizýi múmkin ekenin de joqqa shyǵarmady.
Karantın eki aıdan astam ýaqytqa sozylsa, materıaldardy jetkizýge kedergi bolýy múmkin. «Bizde ashytqy, oraýyshtyń barlyǵy derlik shetelden keledi. Reseımen shekaralar jabylmasa da óndiristiń tómendeýi múmkin. Aldymen olar óz kásiporyndaryn qajettiniń bárimen qamtamasyz etýge tyrysady. Sondyqtan biz tek óz resýrstarymyzǵa súıenýimiz kerek. Qazaqstandaǵy sútti óńdeıtin kompanııalardyń janynan sút ashytqysy nemese sút oramasyn daıyndaýǵa basa kóńil bólý kerek. Muny sýbsıdııa arqyly sheshýge bolady», dedi Kojevnıkov.
Sonymen birge, ol Qazaqstannyń sút naryǵyndaǵy baǵanyń turaqtylyǵymen tikeleı baılanysty taǵy bir mańyzdy faktorǵa nazar aýdaryp ótti. Karantındik rejım engizilgenine qaramastan, Qazaqstan EAEO-ǵa kiretin elderden sút ónimderin jetkizýdi shektegen joq. Nátıjesinde, burynǵydaı Qyrǵyzstan men Belarýssııadan sút pen qaımaq burynǵydaı arzan baǵada jetkilikti túrde kelip jatyr.
Onyń aıtýynsha, qazaqstandyq taýar óndirýshiler sút ónimderine suranystyń 80 paıyzyn qamtamasyz etedi. Jetpegeni ımportpen jabylady. «Respýblıka tereń qaıta óńdeý ónimderine: sút untaǵy, irimshik, ishinara ıogýrt jáne balmuzdaq ımportyna táýeldi bolyp qala beredi. Sondyqtan, jalpy alǵanda, Qazaqstan jyl saıyn shıki sút mólsheri boıynsha 450 myń tonna sút ónimderin ımporttaıdy. Negizgi sebep - shıki súttiń jetispeýi. Bul jergilikti óńdeý zaýyttaryn qys mezgilinde óndiristi toqtatýǵa májbúr etedi. Qazir karantın kezinde biz bul máselelerdi oılaýǵa shamamyz kelip jatqan joq. Biraq karantınen keıingi kezdi de oılaıyq. Eger shekaralar jabyla berse, onda tereń qaıta óńdeý ónimderin óndirýge nazar aýdarý qajet» deıdi ol.
Kojevnıkov, bul turǵyda daǵdarysqa optımıstik kózqaraspen qaraýǵa sebep baryn aıtyp ótti. «Petropavl sút odaǵy» JShS qazir irimshik pen irimshik ónimderin shyǵarýmen shuǵyldanady. Ony jańa ıesi satyp alyp, kásiporynnyń qaıta jabdyqtalýyn qolǵa alypty. Ol Ýkraınadan irimshik ónimderin Qazaqstannan tolyq shyǵarýdy josparlap otyr. «Bul qalaı bolady - biz kóremiz. Eń bastysy, qarjy jáne naqty jumys bar. Eń bastysy múmkindikti paıdalanyp qalýǵa nıet bar» dep sózin túıindedi ol.
ALMATY