Besqaraǵaı aýdanynda bolǵanymyzda aýdan basshylary Elbasynyń talabyna oraı Almatydan aýylǵa, Kanonerka degen jerge kelip óndirispen shuǵyldanyp jatqan Arman esimdi qos azamattyń tirshilikterimen tanysýymyzdy ótingen edi.
Besqaraǵaı aýdanynda bolǵanymyzda aýdan basshylary Elbasynyń talabyna oraı Almatydan aýylǵa, Kanonerka degen jerge kelip óndirispen shuǵyldanyp jatqan Arman esimdi qos azamattyń tirshilikterimen tanysýymyzdy ótingen edi.
El maqtaǵan jigitti qyz jaqtaǵan deıdi halqymyz. Bulardyń tirligin el basshylary qup kórip jatsa, olarmen nege tanyspasqa dep qaıtar jolda atbasyn Kanonerka aýylyna tiregenbiz. Eki Armannyń biri Jaqııanov «IsunPlast» jaýapkershiligi shekteýli seriktestiginiń bas dırektory bolsa, ekinshi Arman Imanǵazın onyń óndiris jónindegi orynbasary eken. Qyrqynda qamal alýǵa umtylyp otyrǵan bulardyń ekeýi de osy óńirdiń azamaty. Bular osyǵan deıin Almatyda túrli kásippen aınalysypty. Mektepte oryssha oqyǵanmen qazaqshaǵa da júırik.
Qazirde bular polıetılen qubyrlaryn shyǵaratyn jańa kásiporyndy qatarǵa qosýmen aınalysýda. Dıametri 160 mıllımetrden 400 mıllımetrge deıin jetetin mundaı qubyrlardyń toǵyz túri shyǵarylmaq. Bul qubyrlar sý, gaz, kabel tartýǵa paıdalanylatyn bolady. Jáne olardy aýystyrý ońaı. Iаǵnı bir jerden aqaý shyǵyp jatsa, qubyrdyń bárin aýystyryp jatpaısyń.
Jańa kásiporyn tolyq kúshine engende, ıaǵnı eki aýysymda iske qosylǵanda jalpy salmaǵy aıyna eki júz tonnadan astam, al jylyna úsh myń tonnaǵa jýyq qubyr shyǵaratyn bolady. Bas dırektor mundaı kásiporynnyń aýdanda joq ekendigin, Semeıde de bireý ǵana ekendigin, jalpy elimiz boıynsha polıetılen qubyrlaryna degen qajettilik 70 paıyzǵa ǵana oryndalyp otyrǵanyn, sondyqtan amandyq bolsa ózderiniń ónimderine degen suranys kóp bolatyndyǵyn aıtqan. Soǵan oraı bular óz ónimderin Shyǵys Qazaqstanmen birge, kórshiles Pavlodar jáne Qaraǵandy oblystaryna, sonymen birge, Reseıdiń Altaı ólkesi men Novosibir aımaǵyna jóneltetinderin málimdegen. Elbasy aıtqandaı, óz ónimderin shetke shyǵarý ýaqyt talaby, Keden odaǵy talaby.
Biz de qarap turmaı bas dırektorǵa sonda sizderdi osyndaı qubyr shyǵarý týraly oıǵa ne jeteledi deımiz ǵoı baıaǵy. Birinshiden, Elbasy bizge, jastarǵa aýylǵa baryp, elge paıdalaryńdy tıgizińder, dedi emes pe deıdi Arman. Sonan soń, ekinshiden, elimizde qolǵa alynyp otyrǵan «Aq bulaq» baǵdarlamasymen jete tanysqan soń, osyndaı oıǵa keldik. Teginde eski súrleýmen júre bergenshe, tyń jol izdegen jaqsy. Al ony biz, jastar izdestirmesek, kim izdestiredi?
Arman solaı degenmen, áýelde bul shirkindi bastaý qıyn demekshi, tyń jumysty qolǵa alý ońaıǵa túspepti. Bular sońǵy jıyrma jyl boıy qańyrap bos turǵan sovhoz keńsesin satyp alady. Onyń ǵımarat degen aty ǵana eken. Esik, terezeden eshteńe joq. Sý men jaryq jáne joq. Keńse aýlasyn belýardan keletin aram shóp basyp ketken. Qoqys degenińizdi tonnalap tasyp shyǵarady.
Mine, endi, sol ǵımaratyńyz bir jónge kelip qalypty. Bul jumyspen onnan astam aýyl azamattary aınalysyp jatsa, erteń kásiporyn paıdalanýǵa berilgende de onda osy aýyldyń jıyrmashaqty azamaty jumys isteıtin bolady. Al olardyń orta tabysy kem degende 50 myń teńgeni quramaq. Qazirde bolashaq jumysshylardy daıarlaý isi qosa júrgizilýde.
Osy oraıda jańa kásiporynǵa Shanhaıdyń jańa qural-jabdyqtary ornatylyp jatqanyn aıta ketsek deımiz. Armannyń ózi Shanhaıǵa da baryp kelipti. Bizdiń suraǵymyzǵa oraı bas dırektor osyndaı qubyrlardy jasaýǵa qajetti shıkizatty, RE-100 markaly plastmassa untaqtaryn ázirge Reseıden alyp jatqandaryn, endi ondaı shıkizat Atyraýda jasalyp jatqanyn aıtqan. Mundaı shıkizat gazdan jasalatyn kórinedi. Sonyń bári óndiristi damytýdaǵy bizdiń elimizdegi ońdy úrdisti baıqatsa kerek. Al onyń bir parasy aýylda qolǵa alynyp otyrǵany, árıne, qýanyshty jaǵdaı. Amanshylyq bolsa, bulardyń jańa kásiporny bir-eki aıda qatarǵa qosylmaq. Al olar mundaı ıgilikti isti byltyrǵy jyldyń shilde aıynda ǵana qolǵa alǵan bolatyn.
Surastyra kelgende bas dırektordyń tórt balasy bar ekendigin bildik. Olardyń úlkeni Eldos stýdent bolsa, qalǵandary mektepte oqıtyn kórinedi. Al Saltanat kelinimiz Astanada «Qazaqtelekom» salasynda qyzmet etýde. Urpaqqa da bas-kóz bolyp, aýyldy da gúldendirýge atsalysyp jatqan mundaı azamattardan qaıtip aınalmaısyń!
Dáýlet SEISENULY.
Shyǵys Qazaqstan oblysy,
Besqaraǵaı aýdany.
Sýrette: óndiris alań ynan kórinis.