Búginde Jambyl oblysynda da engizilgen karantınge baılanysty shekteý sharalaryna qaramastan qurylys materıaldary men konstrýksııalaryn shyǵaratyn jergilikti kásiporyndardyń rezervteri men múmkindikterin nyǵaıtý qajettigi týyndap otyr. Osy maqsatta oblys ákimi Berdibek Saparbaev Taraz qalasynyń birqatar óndiristik kásiporyndaryn aralady.
Ol áýeli «Gımarat Temir Beton» JShS-niń óndiristik sehtarynda, «Bınom» kompanııasynyń iri paneldi qurylys kombınatynda, sondaı-aq, gıps shyǵaratyn zaýyttarda boldy. Munda qurylys pen aýyl sharýashylyǵy salasynda qajetti beton plıtalar, naýalar, baǵandar jáne basqa da buıymdar daıyndalady.
Kásiporyn dırektory Qaldarbek Smatovtyń aıtýynsha, shyǵarylǵan buıymdardy ótkizýde eshqandaı kedergi joq. О́nim sehtardan tutynýshylarǵa tikeleı jóneltiledi. Degenmen, karantınniń jarııalanýyna baılanysty tasymaldaýǵa qatysty birqatar máseleler týyndaǵanyn aıtty. «Zaýytta 150 adam eńbek etedi. Olardyń eńbekaqysy 90-100 myń teńgeni quraıdy. Muqtaj jandarǵa materıaldyq kómek kórsetilip turady», dedi ol. Al, Berdibek Saparbaev basty mindet óndiris qýatyn arttyrý, shyǵarylatyn ónim kólemin eseleý ekenin aıta kelip, tasymaldaýǵa qatysty máselelerdiń sheshiletinin jetkizdi.
«Bınom» JShS Jambyl oblysyndaǵy iri qurylys kompanııalarynyń biri. Menshikti kópfýnksıonaldy jańǵyrtylǵan baza, qurylys tehnıkasy men avtokólik parkiniń bolýy, qurylys betony, shyny plastıktiń, aǵash jáne metall konstrýksııalarynyń óndiristeri kásiporynǵa Qazaqstannyń ońtústik aımaǵynyń kez kelgen núktesindegi jańa qurylysty oń jolǵa qoıýǵa múmkindik beredi. «Bizdiń úı qurylysy kombınatynyń jyldyq qýaty 30 myń sharshy metrdi quraıdy. О́tken jyly Taraz qalasyndaǵy 15-shaǵyn aýdandaǵy eki turǵyn úı, «Qarasý» massıvinde 4 jataqhana, 9-shaǵyn aýdanda turǵyn úı jáne Súleımenov kóshesinde bir úı paıdalanýǵa berdik. Qazirgi ýaqytta «Bınom» bes jobany júzege asyrýda. Sonyń biri retinde 9 qabatty iri paneldi turǵyn úıdiń qurylysyn júrgizip jatqanymyzdy aıtýǵa bolady. Sondaı-aq, 2020 jyly memleket esebinen 60 myń sharshy metrge jýyq turǵyn úı salý josparlanǵan», deıdi atalǵan kásiporynnyń bas dırektory Serik Oljabekov. Sonymen qatar, Berdibek Saparbaev qalyptaý jáne metalloplastıkalyq sehtarynda da bolyp, qurylysshylarmen jańa ǵımarattardyń jobalaryn talqylady. «Mamyr aıynyń birinshi kúninen bastap bizdiń oblysta áleýmettik nysandardyń, onyń ishinde turǵyn úı qurylysynyń qarqyndy jumysy bastalady. Bul iste biz sizderdiń kombınattaryńyzǵa da senim artyp otyrmyz. Sizderde qýatty baza, jaqsy mamandar bar. Alaıda, turǵyn úı salý kezinde bir ǵana úlgimen shektelmeý kerek. Ǵımarattardyń qasbetteri ár túrli bolýy tıis jáne bul rette olar kóz tartatyn dızaın elementterimen kórinis tapqany mańyzdy. Balkondar da tek temir betondy emes, tartymdy bolǵany durys», dedi dedi Berdibek Saparbaev. Al, «KazÝpakTreıd» JShS-niń tehnıkalyq dırektory Sefettın Hyzarjy kásipornynyń qyzmeti týraly málimet berdi. Onyń aıtýynsha, kásiporyn ónimderi tek oblysta ǵana emes, úlken kólemde Nur-Sultan men Almaty qalalaryna da jóneltiledi. Aǵymdaǵy jyldyń úsh aıynda 3200 tonna gıps shyǵarylǵan. Ákim búginde qurylysshylarǵa gıpsokarton qajet ekenin aıtyp, nege osyndaı ónimniń óndirisimen aınalyspaıtynyn suraǵanda, Hyzarjy osy másele boıynsha jumys istep jatqandyqtaryn jetkizdi. Onyń aıtýynsha, qazirgi ýaqytta Fransııadan kelgen ınvestorlarmen kelissózder júrgizilýde eken. Eger ýaǵdalastyqqa qol jetkizilse, óndiris keńeıtile túspek. «Biraq bul úshin bizge negizgi magıstralǵa deıin temir jol tarmaǵyn salý qajet», dedi S.Hyzarjy. «Bul oraıda eshqandaı másele týyndamaıdy dep oılaımyn. Tıisti esepterdi júrgizip, usynystaryńyzdy ázirleńizder. Biz «Bıznestiń jol kartasy» baǵdarlamasy aıasynda qoldaý kórsetý jolyn qarastyramyz», dedi ákim. Sonymen qatar, B.Saparbaev ónerkásip kásiporyndarynyń basshylarymen kezdesý barysynda jumysshylardyń jaı-kúıine asa nazar aýdarý kerektigin basa aıtty. Olardyń jalaqylarynyń ýaqytyly tólenýi jáne karantın kezeńinde ınfeksııadan jeke qorǵaný quraldarymen qamtamasyz etýdiń mańyzdylyǵyn atap ótti.
Jambyl oblysy