«Qytaıdyń epıdemıolog-dárigeri Chjýn Nanshan pandemııanyń sharyqtaý shegi týraly aıtyp berdi» dep habarlaıdy RIA Novostı.
Onyń pikirinshe, eger COVID-19 birqalypty qarqynmen damıtyn bolsa, onda onyń beti eki aptada qaıtady. Bul nátıjege qol jetkizý úshin bir memlekettiń shekteý sharalaryn barynsha kúsheıtýi azdyq etedi. Bul másele barlyq elderde bir mezgilde júrgizilýi kerek. «Qazirgi qarqynmen eki aptadan keıin indettiń beti qaıtady» dedi Chjýn Nanshan.
Qytaılyq dáriger, osy rette Italııadaǵy jaǵdaıdy eske túsirdi. «Italııanyń soltústigindegi eń qatty zardap shekken aımaqtarynda birde-bir ınfeksııa tirkelmegen kishkene qalalar bar. Onda qatań sharalar engizildi, adamdar qashyqtyqty saqtaıdy, betperde kıedi. Sebebi qazir boljaý qıyn. Bári tártipke baılanysty» deıdi Chjýn Nanshan.
QR Densaýlyq saqtaý mınıstri Eljan Birtanov eldegi COVID-19 ınfeksııalarynyń shyńy sáýir aıynda bolady dep málimdedi.
Prezıdent Qasym-Jomart Toqaev Qazaqstandaǵy tótenshe jaǵdaı rejımin 30 sáýirge deıin uzartty.
ALMATY