Shahan Shahmaran múmkindigi shekteýliler múmkindgi shekteýli emes sheksiz ekenin ilkimdi isimen dáleldep berip júrgen erik-jigeri mol jigit. Ol Aqtóbedegi «Pandýs-OK» JShS-nyń basshysy retinde burynǵy jáne búgingi ǵımarattardyń kireberisine pandýstar jasap ornatý isine jetekshilik jasap keledi.
Pandemııa saldarynan el-jurt aýyr jaǵdaıǵa tap bolǵan kezde jańashyl jan aıaq-qoly saý adamdarmen birge múgedekterge arnalǵan arbamen júrip ótýge de óte yńǵaıly zalalsyzdandyrý tonnelin jasap shyǵardy. Shapaǵaty men saýaby mol aıyryqsha jobany Shahan «Taınık-KZ» kompanııasymen birlesip iske asyrdy. Bul zalalsyzdandyrý dálizi «SNPZ-Aqtóbemunaıgaz» AQ ǵımaratynyń aldyna ornalastyryldy.
Zerdeli jetekshi bul ıdeıany Marat Igalıev degen azamat áleýmettik jelidegi paraqshaǵa budan eki apta buryn jarııalaǵan posttan alypty. Munda Túrkııada zalalsyzdandyrý tonneli jasalyp jatqany aıtylǵan eken. Synı sát talabynan týyndaǵan jańalyq oǵan da oı salady. Sóıtip osyndaı tonneldi ózimiz nege jasap shyǵarmasqa degen sheshimge keledi. Ári bul oı-josparyn kóp keshikpeı joǵaryda atalǵan kompanııa ókilderimen birge júzege asyrady.
Munda tutynýshylardyń usynys-tilekteri tolyqtaı eskerigen. Shahan jasaǵan jobanyń osy tektes ózge tonnelderge qaraǵanda sapaly ári baǵasy tómen ekendigi de onyń artyqshylyǵy men ereksheligin tanytady. Iаǵnı, atalǵan zalalsyzdandyrý dálizdiń baǵasy nebári 450 myń tenge tóńireginde. Qazir oǵan oblys ortalyǵyndaǵy iri sýpermarketterden jáne kórshiles oblystardan kóptegen suranystar túsýde.
Jaraısyń, Shahan!