Qytaıdan kómekke dárigerler keldi

Olardyń arasynda pýlmonolog, epıdemıolog, ınfek­sıo­nıst mamandar men sarap­shylar bar. Aq halattylar 24 naýryzda Memleket basshysy Qasym-Jomart Toqaev pen Qytaı tóraǵasy Sı Szınpınniń telefon arqyly kelisýi boıyn­sha she­ka­­ra­­lyq aımaqta orna­las­qan Shyń­jań ólkesiniń bes aýrýhana­synan arnaıy jó­nel­tilip otyr. Olar Nur-Sultan, Almaty jáne Qara­ǵan­dy qala­la­rynda bes-bes kún­nen bolady dep jos­par­lanǵan. Kómekke kelgen dárigerlerdiń barlyǵynan Qazaqstanǵa kel­gen boıda birer saǵatta nátı­je­si daıyn bolatyn synamalar alynyp, den­saý­lyq jaǵdaıy tek­se­ril­gen. 

Juma kúni ShUAR Halyq aýrý­­­hanasy bas dári­ge­ri­niń orynbasary Lý Chyn men Shyń­jań medısına ýnı­ver­sı­tetiniń №1 seriktes aýrý­ha­nasynyń juq­paly aýrýlar dárigeri Lý Shıaýbo Prezı­de­nt janyndaǵy Or­talyq kommýnıkasııalar qyz­­me­tiniń onlaın baspasóz más­lıhatyna qatysyp, jýr­na­lıs­terdiń suraǵyna jaýap berdi.

Oqshaýlaný koronavırýs­tan saqtanýdyń jáne taralýyna jol bermeýdiń eń nátıjeli tásili ekenin jetkizgen olar el­or­­dadaǵy kúsheıtilgen tó­ten­­she jaǵdaı rejiminiń jaq­sy saqtalyp jatqanyna oń baǵasyn ber­di. «Karantın kóp­tegen adam­nyń turmysyna qo­laı­­syz­dyq ákeletini ras. Biraq bul in­detten tez qutylýdyń birden-bir tıimdi joly. Biz Nur-Sul­tan­ǵa keshe keldik. Soǵan qara­mas­tan biz bul qalada jaqsy ju­mys júrgizilip jatqanyn baıqadyq. Eń bas­tysy, karantın engizilgen. Kóptegen árip­tesimizdiń maska taǵyp júr­genin, tipti bizdi osynda alyp kelgen júrgizýshiniń de arnaıy kıim kıgenin kórdik. Sol sebepti qolǵa alynǵan sharalar durys dep oılaımyn. Keıin aýrýhanalarǵa baryp, jaǵdaımen tolyq tanysqan soń tolyqtaı baǵa beremiz», dedi ınfeksıonıst Lý Shıaýbo. 

Al Lý Chynnyń aıtýynsha, Qytaıda 3387 medısına qyz­metkeri aýrý juqtyrǵan. Onyń 90%-y Ýhan qalasynyń dári­gerleri kórinedi. «Olarǵa ın­feksııa alǵash taralǵan kezde juqqan. Medısına qyz­met­kerleri aýrýdyń aldyn alýǵa arnalǵan oqý-jattyǵýdan ótip, qorǵanysh quraldarymen qam­tamasyz etilgen soń aýrý juqtyrý deńgeıi aıtarlyqtaı tó­mendedi», dedi ol.

Elimizge kelgen mamandar Shyńjań provınsııasynda in­det juqtyrǵandardy emdeý­ge atsalysqan Shyńjań ólkelik Halyq aýrýhanasy, Shyńjań medısına ýnıversıtetiniń №1 seriktes aýrýhanasy, О́l­ke­­lik dástúrli qytaı medı­­­sı­nasy aýrýhanasy, Ile ob­lys­tyq sanıtarlyq-epıde­mııalyq baqylaý orta­ly­ǵy jáne Ile oblystyq Dostyq aýrý­­hanasynyń basshylary men qyzmetkerleri. Aıta ke­ter­­­ligi, COVID-19 Shyńjań provınsııasyndaǵy 76 adamǵa juǵyp, úsheýi qaıtys bolǵan edi. Qalǵandary túgel jazylyp shyqqan aımaqta sońǵy 55 kúnnen beri jańa jaǵdaı tirkelmegen.