Elbasy «Birlese bilgen el bárin jeńedi» atty maqalasynda búgingi tańda el basyna qıynshylyq týǵan sátte bul synaqtan yntymaq pen birliktiń nátıjesinde súrinbeı óte alatynymyzǵa senimmen qaraıtynyn dáleldi oı-pikirlerimen bildirgen.
Shynynda da tuńǵysh Prezıdent elimizdiń qaı qıyn-qystaý kezeńi bolsyn halyqpen birge bolyp, táýelsizdik alǵan jyldardan bastap jas respýblıkanyń tyǵyryqtan jol taýyp, jeńispen ótýine muryndyq bolǵany belgili. «Qazaqstan Respýblıkasynyń eń qymbat qazynasy – adam jáne onyń ómiri» degen Ata zań qaǵıdasyna súıenip, Elbasy kezinde ózi densaýlyq saqtaý salasyn damytýǵa erekshe kóńil bólý arqyly salynǵan zamanaýı aýrýhanalar men emhanalar, onda isteıtin maman dárigerlerdiń bul juqpaly dertti joıýda tolyq múmkindigi bar ekenine senimdi.
Eń bastysy, bul qaterdi jeńip shyǵýda maqalada el birligi, yntymaǵy, ejelden kele jatqan qazaq eliniń tarıhı dáýirler qoınaýynan shyńdalǵan myqty rýhyna súıenedi. Tarıhymyzdaǵy Tóle bı, Áıteke bı, Abaı sııaqty danyshpan tulǵalarymyzdyń qanatty sózderin keltire otyryp, qashanda namysyn bermegen, birligi bekem halqymyz el basyna tóngen qaýip-qaterden aman-esen shyǵa alady degen senimde. Aǵa urpaq pen zııaly qaýym jáne jastarǵa qaǵıdaly sózderin arnaı kele, avtor urpaq pen dástúr sabaqtastyǵy bolǵan jerde ǵana qıyndyqtardy jeńip, ıgilik pen izgilik qatar órken jaıatynyn aıtady.
Maqalada tatý-tátti jáne kelisimde ómir súrip jatqan ortaq shańyraǵymyz Qazaqstannyń halqy qandaı da bolsyn jahandyq qaýip-qaterdi jeńip shyǵatynymyzdyń kepili ekendigi kórsetilgen.
Ejelgi túrki babalarymyz «Kúndiz otyrmadym, túnde uıyqtamadym, qara terimdi aǵyzdym...» dep aıtqandaı, táýelsiz memlekettiń aıaqtan turyp ketýine aıanbaı ter tókken Elbasy búginde aýyrtpashylyqty halqymen birge kóterip, Máńgilik eldiń qaýipsizdigin qorǵaýda belin bekem býyp sapqa turǵanyn elge jetkizip otyr.
Sataı SYZDYQOV,
QHA Ǵylymı-sarapshylyq keńesiniń múshesi,
L.N.Gýmılev atyndaǵy EUÝ professory