Búgin Úkimet otyrysynda Indýstrııa jáne ınfraqurylymdyq damý mınıstri Beıbit Atamqulov ónerkásiptik jáne energetıka salalaryndaǵy jaǵdaı týraly baıandady. Bul týraly Premer-Mınıstrdiń baspasóz qyzmeti habarlady.
2020 jyldyń birinshi toqsany boıynsha ónerkásip óndirisiniń kólemi 105,8% qurady, onyń ishinde: taý-ken ónerkásibi 105%, óńdeýshi ónerkásip 108,8%. О́nerkásip óniminiń kólemi 15 óńirde oń nátıjesin berýde.
Mınıstr habarlaǵandaı, taý-ken óndirisi sektorynda tústi ken óndirisiniń kólemi 8,1%-ǵa ulǵaıdy. Temir kenin óndirý salasynda oń dınamıka baıqalýda, ósýi 22,2% qurady.
«Kómir men lıgnıt óndirý kólemi 100,2% qurady. О́ńdeý ónerkásibinde ósýi 8,8% qurady. Qara metallýrgııada óndiris kólemi 101,5% qurady», — dedi B. Atamqulov.
Elde, sondaı-aq álemniń basqa elderinde koronavırýstyq ınfeksııa pandemııasynyń damýyna, sondaı-aq metaldar naryǵy konıýnktýrasynyń qalyptasqan ahýalyna jáne eksporttyq áleýetti qaıta bólýge baılanysty «ArselorMıttal Temirtaý» AQ men ERG kompanııalar toby óndiristi turaqtandyrýdy jáne óndiriletin ónimdi úzdiksiz satýdy qamtamasyz etý maqsatynda balamaly ótkizý naryqtaryn qarastyrýda.
Mashına jasaý salasynda óndiris kólemi myna kólemderdiń ulǵaıýy esebinen 30,4%-ǵa ósti:
- avtokólik quraldary, treılerler jáne jartylaı tirkemeler 69,5%;
- basqa sanattarǵa engizilmegen mashınalar men jabdyqtar 20,7%;
- elektr jabdyqtary 17,8%;
- ózge de kólik quraldaryn jasaý 53,6%;
- mashınalar men jabdyqtardy jóndeý jáne ornatý 6,2%;
- kompıýterler jasaý 9,6%.
Mınıstrdiń aıtýynsha, farmasevtıka ónerkásibinde óndiris kólemi 32,2%-ǵa, jeńil ónerkásipte - 14,2%-ǵa, bylǵary jáne oǵan jatatyn ónimder - 18,9%-ǵa, kıim óndirisi - 14,7%-ǵa ósti. Qazirgi ýaqytta «Qarapaıym zattar ekonomıkasy» baǵdarlamasy sheńberinde salanyń damýy boıynsha birqatar normatıvtik aktiler men júıeli sharalar qabyldanýda.
Kólik kesheni boıynsha 2020 jyldyń 1 toqsan boıynsha naqty kólem ındeksi 98,7% qurady.
B. Atamqulov atap ótkendeı, COVID-2019 koronavırýsynyń taralýy kólik salasyna áser etip otyr, atap aıtqanda, búginde Qazaqstan aýmaǵynda koronavırýstyń taralýyna jol bermeý maqsatynda toqtatyldy:
jolaýshylar avtobýsynyń tasymaly (onyń ishinde qalalyq jolaýshylar avtobýsynyń tasymaly); jolaýshylar poıyzy; jıi áýe qatynastary.Sonymen qatar keıbir kásiporyndardyń jabylýy kólik pen logıstıkaǵa yqpal etedi, sebebi tasymaldy jetkizý men tapsyrys kólemin tómendetedi.
Qurylys boıynsha naqty kólem ındeksi 2020 jyldyń qańtar-naýryz aılary boıynsha 111,7% qurady. 16 óńirde oń dınamıka baıqalady. Qaraǵandy, Batys Qazaqstan, Atyraý, Túrkistan jáne Aqmola oblystary kósh basshy bolyp keledi.
«Turǵyn úı qurylysy boıynsha 2020 jyldyń 1-toqsan qorytyndysy boıynsha 2 642 myń sharshy metr turǵyn úı paıdalanýǵa berildi. Ol 2019 jyldyń uqsas kezeńimen salystyrǵanda 96,4% qurady. Jyldyq jospardyń oryndalýy 18,7% qurady. Respýblıka boıynsha barlyǵy 21 069 birlik baspana paıdalanýǵa berildi», — dep túıindedi B. Atamqulov.