Karantınniń arqasynda qazaq ertegileri fransýzsha sóıleı bastady. Bul týraly 24.kz habarlady.
Burynǵy shymkenttik arý, qazir Fransııada turatyn Lázzat Atabek-Trıýffo karantın ýaqytynda óz qyzdaryna arnap ertegi beınebaıandaryn túsirip, ony áleýmettik jelige salyp otyrǵan. Lázzat Atabek-Trıýffo qyzy Danel ekeýi qazaq ertegilerin fransýz tiline aýdaryp, ıllıýstrasııa jasap, ári ony ózderi dybystaýdy karantın ýaqytynda qolǵa alǵan. Kásibı dızaıner Lázzattyń bundaı sharýamen aınalysýǵa ýaqyty jetkiliksiz ekeni túsinikti. Ol tek karantın ýaqytyn paıdalanyp, ertegi beınebaıandaryn jasaı bastaǵan. Bulaı jasaǵan sebebi, eń aldymen óz qyzdaryn anasynyń tiline qanyqtyrý bolsa, ekinshiden, fransýz aýdıtorııasyn qazaq mádenıetimen tanystyrýdy josparlaǵan.
– Bastapqyda ertegilerdi tek qazaq tilinde jasaımyz dep oıladyq. Iаǵnı, bar materıaldy jaqsartýdy ǵana oılaǵanbyz. Keıinnen nege fransýz tilinde de jasap kórmeske degen oı paıda boldy. Fransýzdardyń tarabynan da kóp jaǵymdy pikirler aıtylyp jatyr, al qazaqsha materıaldarymyzdyń Iýtýbtan kóp daýys jınaǵany meni tańqaldyrdy, -deıdi keıipker.