Ǵylymı ortalyqta boldy

Qazaqstan Respýb­lı­kasy Prezıdentiniń janyn­da­ǵy Adam quqyqtary jónin­degi komıssııanyń múshe­le­ri Komıssııa tóraǵasy Qýa­nysh Sultanovtyń basshy­ly­ǵymen respýblıkalyq «Neı­rohırýrgııa» ǵylymı orta­lyǵynda boldy.

Qazaqstan Respýb­lı­kasy Prezıdentiniń janyn­da­ǵy Adam quqyqtary jónin­degi komıssııanyń múshe­le­ri Komıssııa tóraǵasy Qýa­nysh Sultanovtyń basshy­ly­ǵymen respýblıkalyq «Neı­rohırýrgııa» ǵylymı orta­lyǵynda boldy.

Astanalyqtar men Qazaqstannyń basqa da óńirleriniń turǵyndary stasıonarlyq em qabyldaıtyn emdeý ári ǵylymı-zertteý mekemesine barýdyń maqsaty syrqat pasıentterdiń ortalyqtaǵy jaǵdaılarymen, olardyń Qazaqstan Respýblıkasynyń Konstıtýsııasy men «Halyqtyń densaýlyǵy jáne densaýlyq saqtaý júıesi týraly» Kodeksinde, Qazaq­stannyń adam quqyqtaryn qor­ǵaý salasyndaǵy halyqaralyq mindet­temelerinde kepildik berilgen quqyq­tarynyń saqtalýymen tanysý bolatyn.

Memleket basshysy janyndaǵy Adam quqyqtary jónindegi komıssııa músheleri dárigerlermen jáne pasıent­termen áńgimelesý barysynda azamat­tardyń densaýlyǵyn qorǵaýǵa jáne bilikti medısınalyq kómek alýǵa konstıtýsııalyq quqyqtaryn qamtamasyz etý, dárigerler men basqa da medısınalyq qyzmetkerlerdiń áleýmettik-quqyqtyq qorǵalýy, olardyń Eýropalyq Odaq elderinde jáne álemniń basqa da damyǵan elderinde biliktilikterin kóterý máselelerine erekshe kóńil bóldi.

Emdeý mekemesinde bolǵan kezde jınalǵan materıaldar Komıssııanyń Mem­leket basshysynyń qaraýyna usynatyn «Qazaqstan Respýblıkasyndaǵy adam quqyqtarynyń ahýaly týraly» jyl saıynǵy baıandamasynyń «Azamat­tardyń densaýlyǵyn qorǵaýǵa jáne bilikti medısınalyq kómek alýǵa kons­tıtýsııalyq quqyqtary» bólimine engiziletin bolady.

Bul is-shara Qazaqstan Respýblıkasy Prezıdentiniń janyndaǵy Adam quqyq­tary jónindegi komıssııanyń 2013 jylǵa arnalǵan jumys josparyna sáıkes uıymdastyryldy.

«Egemen-aqparat».