Ulybrıtanııanyń «Genrı Jakson» (HJS) uıymy «Qytaı Halyq Respýblıkasy jer betindegi adam balasyn qaterge qaldyryp, dúnıe júzi ekonomıkasyna ólsheýsiz zııan keltirgeni úshin halyqaralyq quqyqtyq normalar jáne DDSU-nyń erejesi boıynsha 6.5 trıllon dollar qun tólesin» degen bastama kóterip, bul somany óndirip alý úshin sotqa júginipti. Bul týraly aqpar smh.com.au saıtynda jarııalandy.
Sotqa júginýshi uıymnyń aıtýyna qaraǵanda, jahanda 60 myń adamnyń ajal qushýyna sebep bolǵan koronavırýstyń taralýyna Qytaı eli kináli. Onymen qoımaı osy memlekettiń Syrtqy ister mınıstrliginiń baspasóz hatshysy Zao Lıjıa óz elindegi jaýapsyzdyqty jaba toqý maqsatynda «indet Ýhan qalasyna AQSh armııasynyń áskeri arqyly ákelindi» dep qısynsyz málimdeme jasady. Basqany bylaı qoıǵanda, atalmysh memleket 2019 jyldyń 31 jeltoqsany kúni DDSU-na «bul vırýs juqpaly emes» dep jalǵan málimet berýmen qatar, dáriger Lı Ven Lıan «asa qaterli indet paıda boldy» dep jar salǵanda ony elep-eskermedi.
Tipti South China Morning Post aqparat agenttigi taratqan málimetke qaraǵanda, ótken jyldyń aıaǵy 27 jeltoqsan kúni koronavırýs Qytaıda tirkelip, 200 adam aýyryp jatqan eken. Ony eshkimge aıtpaı jasyrdy.
Joǵaryda aıtylǵan dúnıelerdi dáleldi retinde ustanǵan ulybrıtanııalyq uıym Qytaı elin halyqaralyq adam quqyǵyn saqtaý uıymdary men Arbıtr sotyna tartýdy jón kóripti.