Temir jol ınfraqurylymyn damytý – «Qazaqstan temir joly» UK» AQ basym baǵyttarynyń biri. Bıyl 416 shaqyrym shoıyn joly kúrdeli jóndeýden ótpek.
Jumystar 6 sáýirde – Beskól jol dıstansııasynyń Dostyq – Aqtoǵaı ýchaskesinde bastaldy. Jospardaǵy 23,8 shaqyrym joldyń 3,5 shaqyrymy jóndeldi. 13 sáýirden bastap jumystar elimizdiń batysynda – Qandyaǵash jol dıstansııasynyń Qandyaǵash – Saǵyz ýchaskesinde bastaý aldy.
Ár nysanda 80 jumysshy jáne 30 mehanızator jumyldyrylǵan. Jóndeý poıyzdary, krandar, MPD jáne ÝSO temir jol platformalary, aýyr tıpti jol mashınalary jáne ózge de tehnıkalar qoldanylýda. Iske kirisken merdiger uıymdar – «Integra Construction KZ» JShS jáne «Temirjol jóndeý» JShS.
– Jumys toqtaýsyz, shtattyq rejimde júrýde. Koronavırýs indetimen kúresý sheńberinde qabyldanǵan barlyq qaýipsizdik sharalary nazarǵa alynǵan, – dedi «Magıstraldyq jeli dıreksııasy» fılıalynyń Jol jáne qurylystar departamentiniń joldardy kúrdeli jóndeý bóliminiń basshysy Berik Ahanov.