TÚBI BIRDIŃ TILEGI BIR

Astanada qalalyq uıǵyr máde­nıet ortalyǵy men Jastar birles­tiginiń uıymdastyrýymen yqylym zamannan beri Balqan taýy men Ortalyq Azııa aralyǵynda toıla­nyp kele jatqan Naýryz meıra­myna arnalǵan merekelik kesh ótti. Úsh myń jyldyq tarıhy bar Naý­ryz jyl basyn, jańarý kúnin ǵana emes, ol sonymen birge halyq­tar arasyndaǵy dostyqtyń, ynty­maq­tyń, yrys-berekeniń, birlik pen tatýlyqtyń bastaýyn bildiretin áz meıram. Sondyqtan da bul me­rekeniń bir ultqa ǵana emes, jalpyǵa birdeı bolyp, ulystardyń uıyt­qysyna aınalýy ǵasyrdan ǵasyrǵa ulasyp, halyqtar arasynda keńinen atalyp kele jatqany tabıǵı zań­dylyq. Osy oraıda elimizde bıylǵy Naýryz meıramy da qa­lyptasqan dástúr boıynsha keńinen toılan­ǵanyn atap ótý jón. Bıyl jyl basyn bildiretin mereke kúnderinde elimizde tatý-tátti, dostyq pen yn­tymaǵy jarasyp tu­ryp jatqan ulttar arasynda da Naý­ryz meıra­myna zor kóńil bólindi. Máselen, qazaq halqymen tamyry tereńdes, túbi bir uıǵyr halqynyń arasynda bul meıram ózderi jınaqy turatyn eldi mekendermen qosa, elimizdiń bas qalasynda da ótkizilgenin atap ótýge bolady. Astanada uıǵyr dıaspo­ra­synyń ótkizgen sondaı bir ke­shi “Aq shańyraq” meıramha­na­synda jaıylǵan aq dastarqan basynda uıymdastyryldy. Keshte Astana qalalyq uı­ǵyr mádenıet ortalyǵynyń jetek­shisi Murat Toqtybaqıev sııaqty aǵa urpaq ókilderi men qalalyq uı­ǵyr jastar birles­ti­giniń tóraıy­my Nargız Mah­mý­dova bastaǵan jastar jaǵy jınalǵan qaýymǵa aq tilekterin aıtyp, uıǵyr hal­qynyń salt-dás­­túr­lerinen qoıy­lym kór­setse, oqýshylar ara­synan №40 qazaq orta mektebiniń (dırek­tory Erbol Islámuly) 3-synyp oqýshysy Arýjan Arzıdýnqyzy elimizdiń ánu­ra­nyn memlekettik tilde shyrqap, onymen birge memlekettik tilde, uıǵyr jáne orys tilderinde án aıtyp, kópshiliktiń qoshemetine bó­lendi. Osylaısha, Naýryz meıramyn toılaǵan uıǵyr dıasporasynyń ókilderi baýyrlas qazaq halqymen árqashanda júrek­teri de, nıetteri de bir ekenin kórsetip berdi. Dastan KENJALIN.