Almaty qalalyq Polısııa Departamentiniń habarlaýynsha, ánshi Arman Qońyrbaev túngi 1 shamasynda Abaı kóshesindegi laýndj barlardyń birinde demalǵan.
«Júrgizilgen jedel sharalardyń arqasynda bul bar zańǵa qaıshy jumys istep turǵany anyqtaldy. Bul mekemeniń esigi aıqara ashyq bolmaǵan. Ishine tek senimdi adamdardy kirgizgen. Solardyń biri Arman Qońyrbaev óziniń quqyqbuzýshylyq jasaǵanyn moıyndady. Bul derek boıynsha QR ÁqbK 476-babymen 10 adam ákimshilik jaýapkershilikke tartyldy. Onyń ishinde mekemeniń ıesi 28 jastaǵy Júsipov te bar. Mamandandyrylǵan aýdanaralyq ákimshilik sotynyń sheshimimen Arman Qońyrbaev 10 AEK kóleminde ákimshilik aıyppul tóleıtin boldy. Basqalary 5-15 táýlik aralyǵynda qamaýǵa alynady» dedi qalalyq PD birinshi orynbasary Nurlan Almasbekov.