Darıǵa Nazarbaeva qazaqstandyqtardy Pasha merekesimen quttyqtady. Bul týraly Parlament Senatynyń baspasóz qyzmeti habarlady.
Qurmetti qazaqstandyqtar!
Jarqyn Hrıstos merekesin atap ótetin barsha qazaqstandyqtardy, pravoslavtyq hrıstıandardy shyn júrekten quttyqtaımyn!
Uly Pasha merekesi din jolyndaǵy mıllıondaǵan jandardy biriktiredi, olardyń myńjyldyq dástúrlerin pash etip, adamdardyń júrekterin qýanysh pen úmitke, jarqyn ómirge degen senim men súıispenshilikke toltyrady, ıgi ister men izgi nıetterge rýhtandyrady.
Búgingi tańda Qazaqstannyń Pravoslavıe Shirkeýi konfessııaaralyq jáne dinaralyq kelisimdi nyǵaıtýǵa, búkil qazaqstandyq qoǵamda birlik, turaqtylyq pen tutastyq saqtaýǵa zor úles qosyp keledi. Osyndaı aýqymdy ári san qyrly ister asa mańyzdy jáne sheksiz qurmetke laıyq.
Osy jarqyn kúnde sizderge myqty densaýlyq, baqyt pen amandyq tileımin. Shańyraqtaryńyzda beıbitshilik pen tynyshtyq bolsyn!