Sońǵy kezde AQSh baspasózinde «koronavırýs teńiz ónimderin satatyn bazardan emes, Ýhan qalasyndaǵy vırýs zertteý ortalyǵynan taraǵan» degen boljamdar aıtylyp, keıbir resmı uıymdar tipti «vırýs ádeıi qoldan jasaldy» degen paıymdaryn da kóldeneń tartyp otyr.
Bul másele atalmysh eldiń prezıdenti Donald Tramp tarapynan sóz bolyp, arnaıy tekserý sharasy qarastyrylyp jatqany jaıly da málim etilip úlgerdi.
Osy máselege baılanysty Ýhan qalalyq vırýs zertteý ortalyǵynyń ǵalymy Iýan Jımın málimdeme jasap, joǵarydaǵy paıym-pikirlerdi joqqa shyǵardy. Ǵalymnyń aıtýyna qaraǵanda, vırýs zertteý laboratorııasynan COVID-19 taraýy múmkin emes, onda qaýipsizdik máselesi erekshe qadaǵalanǵan, ekinshiden, ortalyqta qyzmet atqaratyn birde-bir adam atalmysh indetpen aýyrǵan joq. Ǵalym sońǵy paıymyn basty dálel retinde usynyp otyr.
Sonymen qatar ǵalym AQSh baspasózinde aıtylyp júrgen boljamdar shyndyqqa janaspaıtynyn aıtyp, qazaqshalaǵanda «ótirik ózge júzbeıdi» degenge toqtaldy.