Karantın rejımin buzǵany úshin qalada 1 myńnan astam avtokólik aıyppul turaǵyna jiberildi. Qosymsha 4 aıyppul turaǵy ashyldy. Polısııa qyzmetkerleri baqylaýdy kúsheıtti. Olar táýlik boıy qalada kezekshilik jumystaryn atqaryp jatyr. Mobıldi toptar, jaıaý narıadtar jumyldyryldy. О́tkizý-baqylaý beketterindegi jaǵdaı dron arqyly qadaǵalanyp jatyr.
Tótenshe jaǵdaı rejımin buzǵany úshin 2 700-den astam azamat ákimshilik jaýapkershilikke tartyldy. 200-ge jýyq adam qamaýǵa alyndy, 1800-den astam adamǵa aıyppul salyndy.
«Karantın rejımi sáýir aıynyń sońyna deıin uzartyldy. Tártipbuzýshylyq qatań jaýapkershilikke tartylady. Qalada sebepsiz qatynaǵan turǵyndardyń kóligin aıyppul turaǵyna, al isti sotqa jiberemiz! Polısııa qyzmetkerleri aýlalardy da tekserip jatyr. Adamdarǵa kóshede júrýge qatań tyıym salynady. Koronavırýsty juqtyrý qaýpi áli de bar. О́z ýaqytyńyz ben bizdiń ýaqytymyzdy zaıa ketirmeńiz. Barlyq sharalar sizdiń jáne jaqyndaryńyzdyń qaýipsizdigin qamtamasyz etý úshin qabyldandy», - dep atap ótti qalalyq polısııa departamenti.
Esterińizge sala keteıik, turǵyndarǵa jaqyn mańdaǵy azyq-túlik dúkenine, dárihanaǵa, medısınalyq qyzmet alý úshin jáne qyzmeti ruqsat etilgen jaǵdaıda jumysqa barý úshin úıden shyǵýǵa ruqsat.