«Facebook Inc. Jio Platforms Ltd úndi telekommýnıkasııalyq kompanııasynyń 9,9% úlesin 5,7 mlrd dollarǵa satyp aldy» dep jazady «Interfaks-Qazaqstan».
Kelisim «Úndistanǵa degen adaldyǵymyzdy, Jio bastaǵan radıkaldy qaıta qurýlarǵa degen qyzyǵýshylyǵymyzdy kórsetedi» dep jazdy Facebook ókili Devıd Fısher men Jio Platforms Ltd kompanııasynyń basqarýshy dırektor Adjıt Mohan áleýmettik jelidegi blogynda.
Olardyń aıtýynsha, Jio-men yntymaqtastyq - «damyp jatqan sıfrlyq ekonomıka jaǵdaıynda adamdar men kompanııalar arasynda ıntegrasııanyń jańa múmkindikterin paıdalanýdy kózdeıdi. Atap aıtqanda, kompanııalar Úndistanda 400 mıllıonnan astam paıdalanýshysy bar Facebook-qa tıesili WhatsApp men Jio bastaǵan JioMart elektrondyq kommersııa platformasyn biriktirýdi kózdeıdi.
Sonymen qatar, Facebook elde WhatsApp arqyly tólem jasaý fýnksııasyn iske qosýǵa daıyndalyp jatyr.