Prezıdent Qasym-Jomart Toqaev Úkimetke jáne óńir ákimderine karantın kezinde halyqtyń kommýnaldyq tólemderin tómendetý boıynsha is-sharalar qabyldaýdy tapsyrǵan bolatyn. Qazir Indýstrııa jáne ınfraqurylymdyq damý mınıstrliginiń sheshimimen tótenshe jaǵdaı kezeńinde kommýnaldyq qyzmetterdiń shyǵyndaryn óteýdiń qaǵıdalary bekitildi.
Bul baǵytta Almaty oblysynda da tıisti shara qolǵa alynǵan. Esep boıynsha, óńirdegi 248 395 turǵyn kommýnaldyq qyzmet shyǵyny úshin ótemaqy alýshylardyń sanatyna kirgen. Iаǵnı, tutynýshynyń atynda kommýnaldyq qyzmet túrin paıdalanatynyn rastaıtyn esepshot bolǵan kezde barlyq shyǵyn óteledi. Kommýnaldyq qyzmetter boıynsha qarajatty óteý úshin tutynýshy jeke sáıkestendirý nómirin, áleýmettik mártebesin jáne esepshotynyń derekterin kórsete otyryp, aqparattyq júıe arqyly, bolmaǵan jaǵdaıda call-ortalyq arqyly ótinim beredi. О́tinim alǵan kúnnen bastap bes jumys kúninen keshiktirmeı tutynýshynyń esepshotyna qarajat aýdarylady. Al Úkimet tarapynan belgilengen kómek alatyn arnaıy sanattaǵy jeke tulǵalar tıisti orynǵa ótinish jazýy kerek. Bul topqa jatatyn azamattardyń bir aılyq kommýnaldyq shyǵyndaryn óteý úshin 15 myń teńge kóleminde tólem mólsheri belgilengen.
Jalpy, aldaǵy eki aıdaǵy kommýnaldyq shyǵyndardy óteýdi qarjylandyrý úshin respýblıkalyq bıýdjetten 7,5 mlrd teńge qarajat qarastyrylǵan. Al oblys aýmaǵyndaǵy turǵyndarǵa túrli menshiktegi 138 mekeme kommýnaldyq qyzmet kórsetedi. Osylaısha, Memleket basshysy Qasym-Jomart Toqaevtyń koronavırýs indetimen kúresý jáne daǵdarysqa qarsy qabyldanǵan sharaǵa oraı bergen tapsyrmasy Almaty oblysynda naqty iste kórinis taýyp otyr.
Aıtpaqshy, oblys turǵyndarynyń 1 sáýir men 30 maýsym aralyǵynda tutynǵan kommýnaldyq qyzmeti úshin alynatyn aqy tómengi tarıfpen esepteletin boldy. Mundaı sheshimdi Ulttyq ekonomıka mınıstrligi Tabıǵı monopolııalardy retteý komıtetiniń Almaty oblysy boıynsha departamenti qabyldaǵan edi. Iаǵnı, Taldyqorǵan qalasyndaǵy «Jetisý sý qubyry» mekemesi taza sýdyń 1 sharshy metri úshin tólenetin aqyny 8 paıyzǵa tómendetse, «Taldyqorǵanjylýservıs» kompanııasy 1 Gkal jylýdyń baǵasyn jáne ystyq sý úshin alynatyn aqyny da 10 paıyzǵa arzandatty. Al «Almatygazservıs» holdıngi oblystyń Almaty qalasy mańyndaǵy aýdandarynyń turǵyndary tutynatyn gaz baǵasyn 24,39 teńgeden 24,11 teńgege deıin túsiredi. Sondaı-aq barlyq aýdandaǵy jylý, sý, kógildir otyn jáne qýat kózin taratatyn kompanııalar atalǵan merzim aralyǵyndaǵy tólem tarıfin 1 paıyzdan 10 paıyzǵa deıin tómendetip, turǵyndarǵa jeńildik jasaýy tıis. Jáne kompanııalar tótenshe jaǵdaı kezeńindegi bereshek úshin turǵyn úı-kommýnaldyq qyzmetterin toqtatpaıtyn boldy.
Almaty oblysy