Ramazan aıynda kúlli musylman jurtynyń qasıetti qulshylyǵy Orazanyń bastalý qurmetine oraı, Mońǵolııa eliniń burynǵy prezıdenti Nambaryn Enhbaıar eldegi barlyq musylmandarǵa arnaǵan ystyq yqylasyn TV9 MONGOLIA telekanaly arqyly qazaq tilinde joldady.
Eks prezıdent óz sózinde: «Assalaýmaǵaleıkým! Mońǵol jáne qazaq halqy ejelden tarıhı tamyrlas jurt. Jadyraǵan kóktemniń shýaǵymen jarasa kelgen Oraza qulshylyǵymen barlyq qazaq baýyrlardy quttyqtaımyn. Ardaqty musylman qaýym, sabyr men tózimdilik hám ımandylyqtyń dáleli bolǵan qasıetti Ramazan aıy qutty bolsyn! Elimiz aman, jurtymyz tynysh, el irgesi bútin, bereke-birligimiz bekem bolsyn, ustaǵan Orazalaryńyz qabyl bolsyn!» dep shynaıy yqylasyn bildirdi.