Jylyoı aýdanyndyq sotynda Jańaqaraton kentindegi orta mekteptiń esepshisine qatysty is qaralyp, aıyptalýshy bes jylǵa bas bostandyǵynan aıyryldy.
«Ol bıýdjet qarajatyn jymqyrdy dep aıyptaldy. Sottalýshy 2017 jyldyń jeltoqsanynan 2019 jyldyń qyrkúıegine deıin ózine joǵary jalaqy eseptep, bank kartochkasyna qosymsha tólem aýdaryp otyrǵan. Zańsyz alynǵan qarjynyń jalpy somasy 24 mln 247 myń teńgeni qurady. Sot jazany jeńildetý jaǵdaıyn eskerip, sottalýshyny 5 jylǵa bas bostandyǵynan aıyrdy. Jazany qoldaný merzimi 3 jastaǵy múgedek balasy 14 jasqa tolǵanǵa deıin keıinge qaldyryldy. Sottalýshy bıýdjetten jymqyrǵan qarjyny tolyqtaı qaıtarýǵa mindetteldi» dep habarlady Atyraý oblystyq sotynyń baspasóz qyzmetinen.