Elimizde Elbasy tapsyrmasymen qolǵa alynǵan Nur Otan partııasynyń «Biz birgemiz!» aksııasy Túrkistan oblysynda joǵary deńgeıde júzege asyrylýda. Búginde aksııa aıasynda azyq-túlik alǵan otbasylar sany 10 myńnan asqan.
Igi bastamany Nur Otan partııasynyń Túrkistan oblystyq fılıaly jáne aýdan, qalalardaǵy fılıaldary úılestirýde. Oblys ákimi, partııanyń oblystyq fılıalynyń tóraǵasy О́mirzaq Shókeevtiń tikeleı baqylaýyndaǵy aksııany júrgizý úshin "Túrkistan" áleýmettik-korporatıvtik damý qory qurylyp, kásipkerler qomaqty úles qosty. Memlekettik qyzmetkerler bir kúndik jalaqysyn aýdarsa, jeke demeýshiler, jergilikti máslıhattardaǵy partııa fraksııasynyń músheleri aıryqsha kómektesýde. «Atameken» kásipkerler palatasynyń О́ńirlik keńesiniń músheleri de kómek qolyn sozdy. Aýdan, qala ákimdikterinen de qoldaý bar. Azyq-túlik sebetteri partııanyń aýdan, qalalyq fılıaldary arqyly «Baqytty otbasy», «Ardagerlerdi ardaqtaıyq», «Kedergisiz keleshek» jobalary boıynsha asa muqtaj jandarǵa jetkizilýde. Bul rette «jasotandyqtar» men erikti jastar, partııa qyzmetkerleri eldi mekenderdi aralap, kómek jetkizgenin aıta ketken jón.
Partııanyń oblystyq fılıaly tóraǵasynyń birinshi orynbasary B.Tájibaevtyń aıtýynsha, kómek suraǵandar áli de kóp. «Maqsatymyz – kómekti shyn muqtajdarǵa jetkizý. «Biz birgemiz!» aksııasy arqyly kómekke ıe bolǵan turǵyndar rızashylyqtaryn bildirýde», deıdi B.Tájibaev.
Aksııa tótenshe jaǵdaı aıaqtalǵanǵa deıin jalǵasady.
Túrkistan oblysy