Bul týraly Nur-Sultan qalalyq qoǵamdyq densaýlyq saqtaý basqarmasynyń basshysy Sáýle Qısyqova aıtty.
«Ústemaqy jumys istegen kúnder men qaýip satysyna qaraı beriletinin bilesizder. 10 sáýirge deıin naýryz aıy boıynsha 1893 medısınalyq qyzmetkerge ústemaqy tólendi. Ol úshin 643 mln teńge bólindi», - dedi Sáýle Qısyqova.
Eske sala keteıik, Prezıdent janyndaǵy tótenshe jaǵdaıdy qamtamasyz etý jónindegi Memlekettik komıssııa Memleket basshysynyń tapsyrmasyn oryndaý aıasynda epıdemııaǵa qarsy sharalarǵa qatysqan medısınalyq qyzmetkerlerdiń jalaqysyna aı saıyn ústemaqy taǵaıyndaý týraly sheshimdi bekitti. Memleket basshysynyń tapsyrmasyn oryndaý sheńberinde Nur-Sultan qalasynda epıdemııaǵa qarsy sharalarǵa qatysyp jatqan medısına qyzmetkerlerine qarjy bólýmen aınalysatyn arnaıy komıssııa quryldy.