Baıqaýǵa qatysýǵa ótinimder 5 mamyrǵa deıin qabyldanady. Bul týraly elorda ákimdiginiń resmı saıty habarlady.
Uly jeńistiń 75 jyldyǵyna oraı 5 jáne 9 mamyr kúnderi aralyǵynda «Astana jastary» KMM-niń resmı Instagram paraqshasynda (@astana_jastary) «Jas Sarbaz» tábıelenýshileriniń arasynda onlaın respýblıkalyq áskerı-patrıottyq baıqaýy ótedi.
Baıqaýdy Nur-Sultan qalasy ákimdigi, «Astana jastary» resýrstyq ortalyǵy jáne Nur-Sultan qalasy qorǵanys isteri departamentiniń qoldaýymen «Jas Sarbaz» jasóspirimder áskerı-patrıottyq qozǵalysy RQB Nur-Sultan qalalyq fılıaly uıymdastyrýda.
Baıqaýǵa «Jas sarbaz» tárbıelenýshilerimen qatar, oqýshylar jáne kolledj stýdentteri qatysa alady.
«Úmitkerler 5 mamyrǵa deıin, jassarbaz.astana@mail.ru elektrondy meken-jaıyna óz oryndaýyndaǵy patrıottyq ánniń vıdeojazbasyn joldaýy kerek. Vıdeojazbamen qatar, qatysýshynyń aty-jóni, mektep (kolledj) nomeri, oryndaǵan ánniń aty jáne avtory belgilenýi kerek», – delingen habarlamada.
Vıdeojazbaǵa qoıylatyn talaptar: oryndaýshy ándi jandy daýysta aıtýy kerek, oryndaýshynyń artynda artyq zattar bolmaýy tıis. Baıqaý jeńimpazy, baıqaý ótip jatqan paraqshadaǵy (@astana_jastary) vıdeojazba astyna jınalǵan pikirler arqyly anyqtalady.
Qosymsha aqparat pen ózge de qyzyqtyratyn saýaldar úshin +7 707 422 73 96 telefony arqyly nemese jassarbaz.astana@mail.ru elektrondy meken-jaıy boıynsha habarlasýǵa bolady.