Keshe Aqordada Memlekettik hatshy Marat Tájın Qazaqstan Respýblıkasy Prezıdentiniń «Qazaqstan-2050» Strategııasy» Joldaýyn iske asyrý aıasynda taqyryptyq zertteýler uıymdastyrý jónindegi Vedomstvoaralyq jumys tobynyń ekinshi otyrysyn ótkizdi, dep habarlady Prezıdenttiń baspasóz qyzmeti.
Budan buryn 2013 jylǵy sáýir aıynda ótken otyrystan keıingi kezeńde birqatar is-sharalar iske asyryldy.
Keshe Aqordada Memlekettik hatshy Marat Tájın Qazaqstan Respýblıkasy Prezıdentiniń «Qazaqstan-2050» Strategııasy» Joldaýyn iske asyrý aıasynda taqyryptyq zertteýler uıymdastyrý jónindegi Vedomstvoaralyq jumys tobynyń ekinshi otyrysyn ótkizdi, dep habarlady Prezıdenttiń baspasóz qyzmeti.
Budan buryn 2013 jylǵy sáýir aıynda ótken otyrystan keıingi kezeńde birqatar is-sharalar iske asyryldy.
Birinshiden, ǵylymı jáne konsaltıngtik zertteýlerge arnalǵan memlekettik tapsyrys negizge alynǵan Prezıdent Ákimshiliginiń Taqyryptyq jospary qabyldandy.
Ekinshiden, Úkimet zertteý júıesiniń ashyqtyǵy men tıimdiligin arttyrý, onyń ishinde memlekettik emes taldamalyq qurylymdardy tartý sharalaryn qabyldady.
Úshinshiden, sarapshylardy qoldaý jumystary keńeıtildi. BAQ-pen jumys jasaý úshin sarapshylar toby quryldy. О́ńirlerde zertteý jáne dıssertasııalyq josparlardy túzetý úshin óńirlik semınarlar josparlandy.
Osylaısha, keńeste «Qazaqstan-2050» Strategııasynyń 100 jańa termıni» atty jańa saıası termınologııa sózdiginiń jobasy talqylandy. Sózdikte «Qazaqstan-2050» Strategııasynda keltirilgen termınder men uǵymdarǵa tolyq túsinikteme beriledi. Bul sońǵy 15 jyldaǵy alǵashqy iri termınologııalyq basylym bolmaq.
Keńes aıasynda quramyna elordanyń jetekshi ǵalymdary kiretin Astana klýbyn qurý máselesi de talqylandy.