Keshe Syrtqy ister mınıstrliginde Elbasy N.Nazarbaevqa jáne halyqaralyq sarapshylarǵa tanystyrylyp, oń baǵasyn alǵan Adam quqyqtary jónindegi komıssııanyń 2012 jylǵy Qazaqstan Respýblıkasyndaǵy adam jáne mıgranttar quqyqtarynyń ahýaly týraly eki baıandamanyń halyqaralyq tusaýkeseri boldy.
Tusaýkeser rásimin Prezıdent janyndaǵy Adam quqyqtary jónindegi komıssııanyń tóraǵasy, Májilis depýtaty Qýanysh Sultanov ashyp, júrgizip otyrdy.
Keshe Syrtqy ister mınıstrliginde Elbasy N.Nazarbaevqa jáne halyqaralyq sarapshylarǵa tanystyrylyp, oń baǵasyn alǵan Adam quqyqtary jónindegi komıssııanyń 2012 jylǵy Qazaqstan Respýblıkasyndaǵy adam jáne mıgranttar quqyqtarynyń ahýaly týraly eki baıandamanyń halyqaralyq tusaýkeseri boldy.
Tusaýkeser rásimin Prezıdent janyndaǵy Adam quqyqtary jónindegi komıssııanyń tóraǵasy, Májilis depýtaty Qýanysh Sultanov ashyp, júrgizip otyrdy.Quttyqtaý sóz aıtqandardyń arasynda Memlekettik hatshy Marat Tájın, Syrtqy ister mınıstri Erlan Ydyrysov, Ulybrıtanııanyń Qazaqstandaǵy Tótenshe jáne ókiletti elshisi Kerolın Braýn, Halyqaralyq kóshi-qon uıymynyń Ortalyq Azııadaǵy mıssııasynyń basshysy Deıan Keserovıch, EQYU-nyń Astanadaǵy Ortalyǵynyń basshysy Natalıa Zarýdna boldy.
«Bular jyl saıyn dástúrli túrde jasalatyn baıandamalar. Onda adam quqy boıynsha barlyq baǵyttar qamtylǵan. Adam quqy degenniń ózi – adamnyń ómiri degen sóz. Onda adamnyń barlyq múddeleri, talaptary jáne olardyń ósý, ózgerý joldary qamtylady. Biz baıandamamyzda adam quqyqtary boıynsha túsken barlyq aryz, shaǵymdardy qorytyp, saraptadyq. Bir jylda komıssııaǵa 2 myńnan artyq aryz-shaǵym tústi. Sonyń 35 paıyzy, ókinishke qaraı, quqyq qorǵaý organdarynyń, sottardyń ústinen túsken shaǵymdar bolyp otyr. Osynyń ózi quqyq qorǵaý organdary jumystaryn jetildirýdi qajet etetinin kórsetedi», dedi Adam quqyqtary jónindegi komıssııanyń tóraǵasy Qýanysh Sultanov jýrnalıstermen kezdesýinde.
Birshama tolymdy kóringen bul qujattar Ulybrıtanııanyń Qazaqstandaǵy elshiliginiń, EQYU-nyń Astanadaǵy Ortalyǵy men Halyqaralyq kóshi-qon uıymy Qazaqstandaǵy ókildiginiń tehnıkalyq járdemimen qazaq, orys jáne aǵylshyn tilderinde jasalǵan eken. Olardy jınalǵandarǵa Prezıdent janyndaǵy Adam quqyqtary jónindegi komıssııanyń músheleri T.Ábishev, V.Voronov, E.Nurǵalıeva, E.Ońǵarbaev jáne basqalar tanystyryp shyqty. Ár baıandamada taqyryptar boıynsha naqty usynymdar da jasalǵan. Máselen, «Adam quqyqtarynyń ahýaly týraly» baıandamanyń «О́mir súrý quqy» bóliminde adamnyń quqyqtaryn qorǵaýdyń ulttyq tetikterin jetildirý maqsatymen zańnamalyq deńgeıde ólim jazasyn tolyqtaı joıý úshin 1989 jylǵy 15 jeltoqsanda qabyldanǵan halyqaralyq paktige qol qoıylsyn. О́lim jazasynyń ornyna ómir boıy bas bostandyǵynan aıyrý ınstıtýty zańnamalyq túrde engizilsin delingen. «Adamnyń jeke ómirin jáne derbes málimetterin qorǵaý quqyǵy» bólimi boıynsha quqyq qorǵaý praktıkasy Qazaqstan Konstıtýsııasy men halyqaralyq standarttarǵa sáıkes jetildirilsin, degen usynym jasalǵan.
Tusaýkeser rásiminde Qazaqstan Respýblıkasy ortalyq memlekettik organdar basshylary, sonyń ishinde Ádilet mınıstri Berik Imashev, Ishki ister mınıstri Qalmuhanbet Qasymov, Joǵarǵy Sottyń qylmystyq ister jónindegi qadaǵalaý alqasynyń tóraǵasy Aqyltaı Qasymov, Bas Prokýrordyń birinshi orynbasary Iogan Merkel jáne t.b boldy. Sondaı-aq, bıliktiń zań shyǵarý, atqarýshy jáne sot tarmaqtarynyń, quqyq qorǵaý organdarynyń ókilderi, quqyqtanýshy ǵalymdar, dıplomatııalyq ókildikter basshylary men t.b. qatysty.
Sharada sóılegen sarapshylar Prezıdent janyndaǵy Adam quqyqtary jónindegi komıssııanyń baıandamalaryna joǵary baǵa berip, olardyń usynymdaryn Úkimet pen Parlamenttiń iske asyra bastaǵanyn atap ótti.
Jaqsybaı SAMRAT,
«Egemen Qazaqstan».